الفوگك مو شرط صيطر لأن فوگ ... عمر الفوگ لوما الحجر ماكان
الفوگك مو شرط صيطر لأن فوگ ... عمر الفوگ لوما الحجر ماكان
بقت عل گاع بس تخوف النار ... وصعد ليفوگ بس فارغ الدخان
الجذر ضحه ودفن روحه جوه الگاع ... حتى ترتفع ليفوگ الأغصان
وبلا بستان متصير انت فلاح ... واذا ماكو فلح متصير بستان
مدري شبيه شو مهموم
هوسه ابالي ماتصفه ،
مدري شبيه ما انهاب
انفخ شمعة ماتطفه !
لـ باهر_الجنديل
يطيح الوكفك موعيب بس عيب ... تبقه انت اعله طولك لمن ايطيح
ومو مشكلة شراع ابريح اذا طاح ... بس المشكلة شراع انكلب ريح
وموعيب السفن ترجف من الروج ... المصيبة عل سفن تضحك ملاليح
وطبع بل سفن تمشي بكيف سفان ... وذا سفان ماكو بكيفهه اديح
مو كلشي حلو بس حلو تلگاه ...النهر كلش حلو بس بي تماسيح
مثل السيف بيدك يكتل اعداك ... بيد اعداك يجعل دمك ايسيح
الحبل مكروه من ايشد ركبتك ... بس اشگد حلو يصبح مراجيح
غلط عكازتك تشمرهه عل غير ... هوه الينجرح بس انت الطيح
بكل ضيجه التمر بيه
اسد عيوني واتنخاك
شگد وجوه بهتت وانتَ ذاك انتَ
لـ محمد عباس
دكيت العمر كحله
ورسمتك عين
وتاليها ضعت
لا من كحلتي ولا من عيوني
لـ عباس العبادي
ياما تحملت شكد صابر اني وياك
وانت بكل سهولة تكول اعوفك
حظك مدري حظي الجابني عليك
مدري الدنيا حظها بيها اشوفك
