رِدتك.. ولو چذاب
رِدتك..
تِطش بعمري.. صَمْ عتاب
رِدتك..
ولو شباچ.. يملي حياتي تراب
رِدتك، ولو صُبيّره حمره..
تفيّ وجهي.. من حچي الغياب
رِدتك.. ولو چذاب
رِدتك..
تِطش بعمري.. صَمْ عتاب
رِدتك..
ولو شباچ.. يملي حياتي تراب
رِدتك، ولو صُبيّره حمره..
تفيّ وجهي.. من حچي الغياب
كافي تتهرب تعال من الأخير
گول مليتك شجاع شوية صير
حيل مشغول افتهمنا احچيلي غير
اطير قابل؟!لاا اكيد آني الاطير
ساعة ما عندک خلگ ما لک مزاج
وساعة عندک مشكلة و وضعک خطير
وراسک وگلبک وصحتک مو تمام
راح أدخلک مختبر فحص الضمير
گول ما أريدک بعد خليني اروح
بعيني لا تصغر احچيلي وظل چبير
انته گبل اچم شهر تطلب رضاي
ومن اباوعلک تفاصيلک تحير
وأذا تلگاني بدرب تتبع خطاي
وعيونک تودعني حد ما استدير
والفديتک والعشگتک والغلاي
مفرداتک نزلت سوگ الحرير
وگتلي يوسف بالحسن گتلک هواي
لأن ادري بيوسف يحفروله بير
الشاعر يحيى العلاق
صار بحدود الشهر
ما اعرف احساسي،،
لا اني احب من صدگ
لا من صدگ ناسي،،
أنت حقي و مَن حقي عليك أغار
خانگتني العبرة ،،
والهم والتعب
ومالكيت انسان ،،
من كل گلبة حب
اذا راد الله و إجدامَك عَلَي مَرهِن
نگعد و الجروح إحساب نحسبهن
و اذا كَمَلنه الحساب و ضحكت وياي
اگلك طايحات لـ ضحكتك كلهن
هنيالك عليه اشكد غشيم اوياك
بسيط او كلب ام ابضحكه اتقشمر
مشينه ابسوك بياعة خناجر بي
تتسالم او تطعن بيه واتعذر
او عله بختك اكلك وانته تطعن حيل
واليسالني اكله ايجرب الخنجر
هلبت حرف من اسمي
يجي بلذة شخابيطك
ممكن تصبح علي من تفتح عيونك؟
اكتبلي كلمه...ولو(مشتاگ)و(شلونك)
لو حرف منك وصل
كل يومي مرتاح اظل
وقيس الفرحه لو گلت ماعيش من دونك
رائد ابو فتيان
