هنا

[أنثى حائرة]

السلام عليكم درر
ما ادري اذا الشي الي راح اكوله مشكله او لا
اهواي من اقاربي خالاتي وبناتهن واخرين لمن يجون النا اول سوال ينسال ما تزوجتي ؟ رغم اني طالبه جامعيه اعتقد لحد هالوقت ما شفت الشخص المناسب الي ممكن اكمل حياتي وياه من خلال التجارب الي اهواي شفتها بحياتي من تجارب فاشله
وحتى لو اجت هذه الفرصه اعتقد التخوف كبير لا انصدم من طبع الشخص الي اكمل حياتي وياه
فمدا اعرف انو هلشي مهم جدا لذلك ديلحون انو لازم ارتبط مع انو اني بعدني صغيره بالعمر
والشي الثاني الي اعرفه كلش زين انو سوالهم هذا بس يتمنون انوا هذا الشي ميصير بسبب الغيره فكيف يكون الرد عليهم
شكرا لكم

[ملكةه]

حبيبتي التجاهل احسن رد
اهتمي بدراستج وماعليج بكلامهم

[Ph. Zahraa]

معليج بيهم حبيبتي
تصرفي بعقل و أي طريق يختاره عقلج أمشي بي

[نـارڤـين]

وعليكم السلام
حبي ماعليج منهم مثل ماگالت زنوبة التجاهل احسن شي
والدراسة اهم كملي دراسة اول شي
الا ان تلگين الشخص اللي يناسبج
وتكونين انتي مقتنعة بي

[^_AHMED_^]

وعليكم السلام
ابني شخصيتكِ المستقلة من خلال دراستج وراح ينفتحلج
الف باب بالمستقبل تحياتي

[Suzana]

تره اهواي ناس هواياتهم التدخل بالامور الشخصية يحبون يعرفون كلشي عن حياتك مو بس مسألة الزواج وانما حتى مشاكلك وهمومك اتگول عبالك عدهم الحلول الك ،مو لازم تهتمين الهم ولا اتخليهم يضغطون عليچ بأستفساراتهم هاي، حياتج وانتي اللي ترتبيها بنفسج دراستج اهم الاولويات حاليا وكولشي غيرها يهون ويبقون مجرد ناس فضولين..
اما شترديلهم فلا تخسرين احد ابد حاولي تحجين ببرود وياهم وبدون ماتغثين نفسك.

[ضـوء السلطـنه]

وعليكم السلام والرحمه
..
ناس فاضيه مالها الا تدخل بشوؤن الآخرين!
لما يسألن كذا سؤال .. ردي عليهن ويش دخلكن! حياتي او حياتكن! وقفيهن عند حد معين من بداية لا تسكتي.. لأنه كذا ناس غثيثه م راح توقف كلام! بس رغم كل هذا لا تهتمين وركزي عدل بمستقبلك ترا محد ينفعك غيره ابداً.
خلي يكون عندك استقلاليه ف كل شيء..وحياتك بتمشي عدل والله بيوفقك ف كل امورك بإذن الله

[fairy touch]

جاوبي بابتسامة عريضة : " التالي ربه عالي "
اهم شي لا تسمحين لهالتساؤل يهز ثقتچ بخياراتچ ..
بالتوفيق عزيزتي.

[Aabdullah]

طبيعة سيئة جدا اول ميشوفك يبدي بالتحري
شكد عمرك؟
شنو تشتغل؟
شكد راتبك؟
متزوج ؟؟ واذا كلت اي راح يتبعها زوجتك غريبة لو من اقاربك وكم طفل عندك
واذا كلت ما عندي اطفال هنا المشكلة شراح يخلصك بعد لازم يعرف السبب بأدق التفاصيل
بالنتيجة اذا جاوبت تتورط واذا ما جاوبت هم تتورط
بما ان اغلب المجتمع من هالنوع الافضل انه تستقبلين الاسئلة بروح رياضية وتمشين الامور بشرط ان ما تتأثرين بكلامهم
موفقة بدراستك وان شاء الله النجاح الدائم

[فقد الاحبه]

عادي ما بي شي هذا السؤال ليش متحسسة من هذا الشي
كليلهم بعدني ما لكيت الشخص المناسب الي وهاي هي