أنه زينب اتمنه امشي كل عام
أجي واترك ضريحي خالي بالشام
أجي بالأربعين وبيدي رايه
واتذكر درب ظعن السبايه
بس هالمره اردن عاليه الهام
كبل جيتي لأخوتي عندي واجب
ارد اشكر الزاير والمواكب
واكل الهم فضلكم شلته بالعين
واشكرهم نيابه عن الحسين
هله بهاي العيون الرفضت اتنام
انه زينب اتمنه امشي كل عام
للمشايه احسده اليطبخ الزاد
واتمنه مثلهم اطلب امراد
إلهي بداعة العباس والجود
الزاير كون لاهله سالم ايعود
اجي هالمره مو جية سبيه
ووكف على التلة الزينبيه
اوكف احمد الله خمدت النار
اشما تلتفت عيني تلكه زوار
دمع احبابي طفه نار الخيام
أنه زينب اتمنه امشي كل عام
إذا تعبت شوفي دمعة العين
أي زاير اسأله وين الحسين ؟
واجيله من بعيد وروحي تلهب
واكله خويه اجيتك انه زينب
انه عالزياره كلبي محتام
اجي ماريد بيه تعرف الناس
خاف ايكوم يتلكاني عباس
مشتاكتله ...
ودموعي اتجاره
بس مااريد اشغله من الزياره
ادري ضيوف عنده هاي الايام
هاي امنيتي عني مو بعيده
الله يستجابه اللي اريده
انه الجيه ماتصعب عليه
بس اشلون اجي واترك رقيه
لهذا لقبوني ام الايتام
انه زينب اتمنه امشي كل عام
_________
كلمات الشاعر المبدع ايهاب المالكي
_________
تدوين ... Zahraa
تحميل او استماع mp3
هنا
رد مع اقتباس
المشاركة الأصلية كتبت بواسطة نغمة على وتر♫
