حوار بين شاب و فتاة.كلام راقي جدا جدا
الشاب
يامن مساء الخير يابنت الطياب
عندي سؤال وياج محتاج الجواب
الفتاة
اهلا وسهلا بيك يبن الاجاويد
لازم سؤالك خاص من عندي شتريد
الشاب
ادري بكلامي يكون مثل السجاجين
لكن سؤالي وياج بالعرف والدين
الفتاة
عيب اوگف انه وياك تتباوع الناس
حرمه وكلام القوم يخدش بالحساس
الشاب
شاب الگلب والراس كل ماتمرين
هذا الجمال البيج مخلوقه من طين
الفتاة
كونك تعرف الدين غظ عني البصار
بالعرف مامقبول تتعرض المار
الشاب
مو قصدي اقلل بيج لو مس كيانج
عمي انتي فوگ الراس هذا مكانج
الفتاة
متحشمه كلش زين مني الهوا يغار
والمثلك المفروظ گدامي يندار
الشاب
مو بيدي حته اندار عاجبني شكلج
المثلج فلا ينعاب دليني بهلج
الفتاة
المن تريد اتروح شسوي بهلي
ابتعد يبن الناس من جبح شكلي
الشاب
ارد اعتني خطاب كونج تقبلين
وگضي العمر وياج بالشرع والدين
الفتاة
كون صدگ خطاب عند اهلي بيبان
وخذ النصيحه بهاي لاتأمن النسوان
الشاب
شاب انه حقي اختار گليلي ترضين
معناها ماكوا اشكال لمن تسكتين
الفتاة
اهلا وسهلا بيك واليعتني وياك
بيت الأهل مفتوح ريت الله يرعاك
الشاب
طبيب النفس بيكم كتب ...... وصفه
يمن حسنج كشبه البدر ...... وصفه
شحلاتك يابخت وياج ...... وصفه
يريت الباري يجمعنا سويه
رد مع اقتباس
المشاركة الأصلية كتبت بواسطة فقار الكرخي
