گوم شوف سطوحك المتنگعة ضیم
*القمیص*
شگد دگامي تشلعن منك و فاهي
شگد چوتك جمرة جگایرهم و نیشان خلو
رادو یشروك ومغیم وجههم
شگد کله بخصرك حبلهم
وسخو قولت عشگنا وسوده صارت من رگبهم
یامه ضمینا عشگنا بجیبك المفتوگ گلبه...
شامرینك وانت ماصایر سمل
معلگینك وننسیت...
وانت فاتحلك علی الکنتور شباچ ومحطة
یا قمیص الناس ورطة......
گوم دفرك عینك وطیّح حلمها
مو حرامات القمیص یصیر گطعة؟
گوم شوف سطوحك المتنگعة ضیم ودقدق بچیزان شمسك
نامت امن اسنین چن صحن استکانه وبیهه خامد چم گطف مکروه ورماد ودمع .
ذاك نفنوف العشگته بعده یتناك اعلى حبله
بعده ینگط ماي واغنیه و سهر.
گبل لایوصل خریف اعیون ویصوفر خضاره
گبل لتموّت وروده
گوم گله وخلي یرجع نگعد بمحمل عشگنا..
نلتهي نسولف دفو وننزع حچینا .. .
حامد الأصبحي
رد مع اقتباس