هنا

[Mohammed K.F]

هاي وين جان الموضوع
عيد وجابة العباس

الله يساعدك ابو جاسم

كنت ادعي لا فقار يشوفه
منور وردة

[Mohammed K.F]

ليش دائما الرجال العراقيين إلي يعيشون خارج العراق يكونون جدا مثقفين و يحبون القراءه جدا وليش دائما ماتزوجون أو يتاخرون يلا يزوجون؟

الشق الاول من السؤال للاسف ما لمست هذا الشي بالسويد، اغلب العراقيين هنا طموحهم جدا محدود وما عندهم اي مبادرات لتطوير انفسهم او تنمية مستواهم الثقافي والعلمي.. وطبعا اكول الاغلب لان يوجد اشخاص فعلا تميزوا بمستواهم الراقي، ولكن هؤلاء قلة ونوادر..
الشق الثاني ما اعرف الجواب

[فقار الكرخي]

س

1 . شوكت سافرت وشلون سافرت

2 . بما ان انت مثقف ومهندس .
هل تستطيع ان تصف لي دجاجة تعبر الشارع ( هندسيا )

3 . شنو تشتغل . وشكد راتبك

4 . شكد جامع فلوس

5 . عائلتك وياك لو وحدك

6 . انت شنو قدمت الوطنك .
يعني بهاي أزمتة اكيد محتاجكم ك مهندسين والخ ليش عفتو ورحتو

7 . من جنت بالعراق . شنو جان مستفاد منك بلدك

8 . ليش انت الوحيد من النواب تقييمك نفس تقييم سامر يقره 10 والباقين 7

9 . من جنت بالعراق وين جان بيتكم

10 . اني ملحد . اريدك تقنعني بوجود الله .
لاتحجيلي روايات واحاديث .
لأن اي واحد يكدر يكتب احاديث وروايات وينسبها الياهو الجان





وارجعلك اذا الله سهل

[Ph. Zahraa]

هله
عمو في اي بي
رح أسئلك:
1- انت ليش حباب هلكد؟
2-انت هم تضوج؟و من تضوج شتسوي؟
3-عائلتك متكونة من شكم فرد و فردة؟
4- شنو أكثر طبع تكرهه بنفسك؟
5-صفني بكلمتين...

لي عودة بعد الأجابة عن الأسئلة

[نغمة على وتر♫]

منور محمد كلش
شكرا زنوبة

[Ćat]

شنو رأيك بالنسويات وحركة النسوية
كلمة توجها لنوال السعداوي واحلام

[فقار الكرخي]

احم احم

س

1 . انت شوكت تتزوج . يعني ناوي ترجع للعراق وتتزوج لو مناوي . اذا مترجع . يعني هذا عمرك مثالي للزواج ليش متتزوج

2 . هم ادز فلوس الجماعه بالعراق . لو هم يدزولك

3 . برأيك . ليش العراقيين ابلدهم . يكمل قوطية البيبسي يشمرها بالكاع وبالخارج لا يحطها بسلة المهملات بكل ادب

4 . الغربة تصنع المبدعين . انت بيش مبدع .

5 . اريد رأيك بس لاتكلي كلهم حبابين .
يعني كل عضو انطي طينته بخدة .

سوزانا
اسرار الكون
احمد العثماني
حلاوة الايمان
سوسن محمود
بنوته فيكه
سامر

6 . سامر على شنو يأكد عليكم انتو كنواب

7 . احسك انت ادخن . صح

8 . بأعتبارك مسلم .
تكدر بطريقة او ما . نشر الأسلام في الخارج .

9 . وزنك . طولك

10 . برأيك . العراقيين في بلدهم تشوفة يصلي ويخاف الله . بس من يطلع برة يكوم يدور حلوات وملاهي ليش






ارجعلك ابو الجيس

[Mohammed K.F]

س

1 . شوكت سافرت وشلون سافرت
تقصد خروجي من العراق؟ بالسيارة سنة 1997 وللسويد بالطائرة سنة 2003
2 . بما ان انت مثقف ومهندس .
هل تستطيع ان تصف لي دجاجة تعبر الشارع ( هندسيا )
حصلت الدجاجة على الطاقة من مصدر ما ساعدت الدجاجة على الحركة باتجاه معين.. واجهت الدجاجة بعض القوى التي اثرت بسرعة حركتها...
كافي لو بعد؟
3 . شنو تشتغل . وشكد راتبك
ادرس حاليا
4 . شكد جامع فلوس
بصراحة ما اعرف لان فلوسي بالبنك..لكن اعرف مبلغ لا بأس به
5 . عائلتك وياك لو وحدك
اهلي وياي بالسويد، لكن مو بالبيت
6 . انت شنو قدمت الوطنك .
يعني بهاي أزمتة اكيد محتاجكم ك مهندسين والخ ليش عفتو ورحتو
ما عفناه، لكن امكانياتنا الحالية للاسف مو بالمستوى المطلوب بحيث نقدر نساعد العراق لحل ازماته
7 . من جنت بالعراق . شنو جان مستفاد منك بلدك
ولا شي..تركت العراق بعمر 11 او 12 سنة
8 . ليش انت الوحيد من النواب تقييمك نفس تقييم سامر يقره 10 والباقين 7
السبب حتى استخدم هذا التقييم بالمسابقات. هذه الصلاحية ما تميزني عن النواب الاخرين، لان كل نائب عنده صلاحيات تختلف عن الاخر حتى نوزع المهام بيناتنة وما يصير ضغط على شخص واحد فقط.
9 . من جنت بالعراق وين جان بيتكم
بالبصرة
10 . اني ملحد . اريدك تقنعني بوجود الله .
لاتحجيلي روايات واحاديث .
لأن اي واحد يكدر يكتب احاديث وروايات وينسبها الياهو الجان
مو بهالسهولة بحيث اكدر اقنعك بمشاركة هنا، وكذلك انا غير مؤهل بهذا المجال.
لكن ابسط جواب انظر لنفسك ومحيطك، واسأل نفسك اذا انوجد كل هذا الكون بهذا التنظيم بدون خالق.




وارجعلك اذا الله سهل

كل الهلا

[Mohammed K.F]

هله
عمو في اي بي
رح أسئلك:
1- انت ليش حباب هلكد؟
ما ادري اكو غيرج يختلف وباج بالرأي..وبالتالي احترم الجميع
2-انت هم تضوج؟و من تضوج شتسوي؟
نعم اضوج،، ابتعد عن الاخرين وتقريبا انعزل وما اتواصل وية اي شخص
3-عائلتك متكونة من شكم فرد و فردة؟
فردة احنة 6 اخوان متساوي عدد الولد مع البنات
4- شنو أكثر طبع تكرهه بنفسك؟
ما شاء الله هواي متسرع احيانا
5-صفني بكلمتين...
هاا لا تكفي كلمتين لوصف دكتورة المستقبل
لي عودة بعد الأجابة عن الأسئلة

كل الهلا

[Mohammed K.F]

منور محمد كلش
شكرا زنوبة

شكرا مشرفتنا الغالية

شنو رأيك بالنسويات وحركة النسوية
كلمة توجها لنوال السعداوي واحلام

بالنسبة لنوال وامثالها هذني مريضات نفسيا وبحاجة لعلاج..
كون المرأة مظلومة فهذا واقع حال لا يمكن انكاره ولم ينجح اي مجتمع من تحرير المرأة ومنحها كامل حقوقها