هنا

[لانا احمد]

السلام عليكم ... يارب الجميع بخير

عندي فكرة مشروع وهو منظومة انترنت ... أريد استفسر عن تكاليفها ... بيها موافقة ؟
والمشروع مضمون؟

يعني أريد معلومات عامة أو اللي يمتلك مثل هيج منظومة يساعدني وسمعت المبلغ تقريبا 5 ملايين لو ممكن يكون أكثر؟

منتظرة اجاباتكم أحبتي

[الرميثي]

اذا وكيل رئيسي بالمدينة فتكلف اكثر من هذا المبلغ
واذا وكيل فرعي ( مزود خدمة يعني ) فتقريبا هذا سعرها
بس تحتاجين واحد صاحب خبرة بالشبكات والراوترات والهبات
حتى من تصير مشكلة يدخل على الاعدادات ويصلحها

[لانا احمد]

اذا وكيل رئيسي بالمدينة فتكلف اكثر من هذا المبلغ
واذا وكيل فرعي ( مزود خدمة يعني ) فتقريبا هذا سعرها
بس تحتاجين واحد صاحب خبرة بالشبكات والراوترات والهبات
حتى من تصير مشكلة يدخل على الاعدادات ويصلحها

بصراحة ماعندي معلومات بس أعتقد مثل ما تفضلت وكيل فرعي ... الأشخاص موجودين ^^

تسلم مشرفنا للمساعدة

[M̲u̲S̲h̲T̲a̲Q̲ツ]

حسب مافهمت تردين تخلين برج ع بيتكم لتوزيع خطوط للمشتركين وهاي تسمى منظومه اعتياديه
وليسربيتر وهو الموزع ع المنظومات او مزود خدمه رئيسي
المنظومه الاعتياديه اصدقائي اثنين عدهم واحد يملكها هو اشتراها يعني اشترى البرج والسكترات والهب والعاكس ومايلحق بالبرج
والاخر خالينها عنده كايجار لسطح منزلهم
المنظومه متكلف هالمبلغ حسب ما اعرف وانما اقل
الخبرات المطلوبه ليست بالشي الصعب بل سهل تعلمها من قبل من سيقوم بنصب المنظومه او خبير المايكروتك والي هو يعلمك عليها
الصعب هو جمع المشتركين وجذبهم واسلوب التعامل معهم
الامر مربح كلما زاد المشتركين ،،،،يعني بالجلفي يرادلك خلك وبال طويل ياله تبلشين بهالمشروع

[zeto]

التكلفة بحدود ال 16 - 20 ورقة تقريبا
يحتاج الامر موافقة من دائرة الاتصالات و مكتب المعلومات ( استخبارت هع)
واتفاق ويا وكيل رئيسي بالمدينة حتى يبث الكم
الافضل وكيل انترنيته زين
الخبرات سهلة يكدر الواحد يتعلم الها

يبقى الضمان حسب المنطقة بيها هواي مشتركين لو لا

[لانا احمد]

حسب مافهمت تردين تخلين برج ع بيتكم لتوزيع خطوط للمشتركين وهاي تسمى منظومه اعتياديه
وليسربيتر وهو الموزع ع المنظومات او مزود خدمه رئيسي
المنظومه الاعتياديه اصدقائي اثنين عدهم واحد يملكها هو اشتراها يعني اشترى البرج والسكترات والهب والعاكس ومايلحق بالبرج
والاخر خالينها عنده كايجار لسطح منزلهم
المنظومه متكلف هالمبلغ حسب ما اعرف وانما اقل
الخبرات المطلوبه ليست بالشي الصعب بل سهل تعلمها من قبل من سيقوم بنصب المنظومه او خبير المايكروتك والي هو يعلمك عليها
الصعب هو جمع المشتركين وجذبهم واسلوب التعامل معهم
الامر مربح كلما زاد المشتركين ،،،،يعني بالجلفي يرادلك خلك وبال طويل ياله تبلشين بهالمشروع

نعم هيج فكرتي ^^

بخصوص المشتركين لا اطمئن اكدر اوفر أكبر عدد لأن راح اسويها بمنطقة قليل بيها هيج مشاريع ... تسلملي اخويه مشتاق لمعلوماتك القيمة

[لانا احمد]

التكلفة بحدود ال 16 - 20 ورقة تقريبا
يحتاج الامر موافقة من دائرة الاتصالات و مكتب المعلومات ( استخبارت هع)
واتفاق ويا وكيل رئيسي بالمدينة حتى يبث الكم
الافضل وكيل انترنيته زين
الخبرات سهلة يكدر الواحد يتعلم الها

يبقى الضمان حسب المنطقة بيها هواي مشتركين لو لا

صارت بيها استخبارات
زيتو لتحشش عليه
اهاا حلووو وحتى المبلغ زين ... شكرآ ياوردة

[علي الشمري]

الموافقات يمي بس بشرط تنطيني خط ذهبي ابلاش

[لانا احمد]

الموافقات يمي بس بشرط تنطيني خط ذهبي ابلاش

ترى هي منظومة نت مو منظومة إرهاب

[ضياء المالكي]

عدنا برج بالبيت اخوية يشتغل عليه
مايحتاج موافقات امنية مجرد تنسقين مع مزود الخدمة وتجيبين الادوات البرج والسكترات والعاكس
وينصبهن لانه عدهم فريق صيانة
التكلفة بشكل كامل تقريباً 30 ورقة
الافضل اخذي ادوات مستخدمة موجوده معروضة بالتسوق الالكتروني شوفي السوق المفتوح
بس بيك حيل تتحملين مزاجات المشتركين ... ؟