باقـي ايام يحسـين اعله عاشـور
وتجينـه الزهـره وبخيـمتها نلتـم
تجينـه اتصـيح ويـنه الـيلطم ويـاي
على ابنـي المـات عـاري وغسلـه الـدم
صدگ كل ليله جمعه مجلس انقيم
بس عاشــور غير وانته اعـلم
مـن هسه لبســنا ثيابنه الســود
وحزن السـنه الفـاتت بيها نشــتم
لبسنـه الحــزن ثـوب منهد ماصــاح
وسمعنا بالگــلب ينــعى ويصيح ابن حذلم
وتحــضر فاطـمه ابكل مجلـس ايصـير
وكل صبح ومسـيه عـدها مآتم
لاچـنها ابـمحرم تطـلع اشـلون!!
ابقميــصك يالمتـت عـاري اتــحزم
وتطلع مو مثل ماتـلطم النـاس
على العـين وعلى الضــلع التهـشم
وتــون وتصـيح آه ياطبـت الشـام
ومــن ونتـها عـرش الله ايــتهدم
وبـالسـابع تـجي وبچـفوفهـا الجـود
وتـملي مـن دمعنـه بگـلب مهتم
وثلــث تيـام تـبقه اتـلـم بالدمــوع
لحـد مايـوصل العـاشر مـحرم
وتاخذهن الزهــره لكربله اهـناك
بيــهن تـطفـي نيــران إلمـخيم
علـى الخيــل
عفـت البـشر وعتــابي .. على الخيــل
انفكد خلي وآنه انحب ... على الخيــل
صحت يا اباالحســن ويـنك.. على الخيــل
ماخـلت ضـلع لابـن الزچيـه
النعي بصوت " الرادود عمــار الكنـاني "
__________
الكلمات للشاعر " احمـد الهلبـاوي"
________
Zahraa Al obaidi
.,.,.,.,.,.,.,.,.
dorar al iraq
١٤٤٠
النعي بصوت " الرادود عمــار الكنـاني "
رد مع اقتباس
المشاركة الأصلية كتبت بواسطة سمراء من قوم عيسى
