كـون البچي بشهر البچي
من دم نهله
منهو الـ إلة انطگت مره
وتبچي اعله تله
ويلي على زينب .. ويلي على زينب
من بيكم العنده اخت
شلعوا گلبها
هذا اليطگها اعله الوجه
هذا اليسبها
واحد دفعهه بالرمح
واحد سلبها
بس اشبيديها ام الخدر
اخوتها قتله
ويلي على زينب .. ويلي على زينب
من بيكم العنده اخت
تركض وحيده
حيرة وعليها المشرعه
صارت بعيده
وصلت لاخوهه ابلا وعي
وترجع ايده
والحيره مو بس خايفه
حيرة اشتگله
ويلي على زينب .. ويلي على زينب
گالتله اگعد يالاخو
وانظر دمعتي
ولتگلي لو شفتي المتن
عذريني يختي
ولتگلي لوتشتم حرگ
وين انتي چـنتي
حرگـوا خيمنه والشمر
سلبنه ثكله
ويلي على زينب .. ويلي على زينب
هاي التنوح اعله الولد
ويشب حزنها
وهاي التحني بالدمه
چفين ابنها
وذيج التلولي عالمهد
ميته اظنها
طفل انذبح واتسلبت
من عدنه طفله
ويلي على زينب .. ويلي على زينب
وحسين اخوها اعله الترب
جثته رميه
وركضت رقيه الجثته
رگضة سبيه
گاملها وبلايه نحر
شابـگ رقيه
وتگـله نومك عالترب
لا مو محله
ويلي على زينب .. ويلي على زينب
_________
كلمات الشاعر محمد المنصوري
رد مع اقتباس
المشاركة الأصلية كتبت بواسطة أناقه أنثى
