لسان حال مولاتنا رقيه ع
افز مثل الگطه الملگاك اجيك اتعثر بثوبي
احظنك حظنه ام اوحيد چا غير انته محبوبي
شجاك اشعطلك عني /يبعد العافيه وذني
/////////////////////////////////
مو طبعك عليه تغيب تدري الفرگه چتاله
الما يفزع ابوه اليوم محد يرحم بحاله
چنت اتعثر امن الثوب واعرف ينشده باله
هسه مرادف الصفعات خله اعيوني هماله
تتجاره الاذان ادموم/ترچيتي خذتهه الگوم
ما رحمو زغر سني /يبعد العافيه وذني
///////////////////////////////
انه ادري الوجود يخاف منك واسمك اشكبره
طگاني وصحتله بصوت تعرف والدي وقدره
شو زاد الظرب يحسين فوگي وشتم الزهره
وانه بكل زمان الفات محد خاطري ايكسره
الوادم تحسب احسابك /تحلم توصل اترابك
هذا امن الازل ظني/يبعد العافيه وذني
////////////////////////////////
تتجاسر علينه الناس وانته امطول الغيبه
خافني بحلم يحسين ما اعيش بوسط ريبه
معقوله علي السجاد محد يحترم شيبه
وزينب بت علي الكرار ذاك الينذكر طيبه
مچتوفه بحبل تنگاد/خصمك ما اله رداد
يابويه بحلم چني/يبعد العافيه وذني
////////////////////////////////
شفت الما يمر عالبال يامن تعرف احساسي
من طگ زينب الملعون شاب امن القهر راسي
حفاي ومشينه ايام تعرف والدرب قاسي
من صوطه وعجاج الخيل گوه اسحب انفاسي
وينك بويه اذوني/تعال وشاهد امتوني
ياهو الزعلك مني/يبعد العافيه وذني
////////////////////////////////
اذكر من گلتلي بيوم كل هذا الوجود النه
چا ليش احنه مسبيات بويه وخصمك اتهنه
راح العز يبو الطيبات منك نگطع الظنه
ما تفزع علينه اليوم تكتل تعرف المنه
تقبل تطلب اميه/ورفسه اتحصل رقيه
يزمخ لو طلع وني//يبعد العافيه وذني
////////////////////////////////
تعبني الدرب يحسين ما متعوده هيچ امشي
من هظم العده والظيم صك امن الدمع رمشي
طحت امن التعب مرات واگعد من ظرب وحشي
ريت الموت اخذني اليوم بويه وشيعو نعشي
ولا واحد يحاميني/وانه ابعازه حسيني
تالي اوي الغرب. لني/يبعد العافيه وذني
///////////////////////////////
فاضل الغريباوي
رد مع اقتباس
المشاركة الأصلية كتبت بواسطة فقار الكرخي
