هنا

[فقار الكرخي]

في الماضي
تحدب گلبي من فرگاك عدله
بملگه. وحتلو بالطيف عدله
قهر واهات گلبي تريد عدله
لحد ماينكسر گلبك عليه

في الحاظر
الگلتلك علعل بفرگاك واحداب
عدل من عشگته التنگال وحده
بألف تنعد وچن يعگوب واحدا
بهلة ! واملاگه يوسف كشخ بيه

گلت دار الغري بصدري لبنها
بوكت ام سمعت جنازة لبنها
گـبل ليـنز صـدرهـا نز لبنها
اركضت حد مادار تابوته ليه
عافت ابنها وگام تلطم عليه

منو مثلي عدا اللچمات حل باه
فقر بالحيل. ويصيحون حل باه
هجرني خويط عظم بوسط حلباه
وثلاثه اضباع يوعه ابلشن بيه

انه الجافيت اهلي ولك داريت
بسبب هجرك عليه الناس دارت
شعوطت الگلب وشفاي درت
تتن ومعطب بفرگاك ريه

دمع يعگوب اتحدا وصلي
بجفاك وصار وسواسك وصي لي
وعلي لمن ترد لسجد وصلي
بكثر ماصله فرض جفاك بيه

شفتها الهيله المعطر .. لبتها
فتوة وروحي ماصبرت .. لبتها
دنيت وصارت تباوع .. لبتها
گتلها هاي منين دمعت شفتها
لن الزغيره تصيح عمو انه بتها

نحيل الجسم اصفر صار .. والفاه
يبس. وبريجه شاغت اخ .. والف اه
سلب عافيته يوم الراح ولفاه
من اجيس اعظامي تتفرث بديه

تطربين الجهالچ .. وانعه طربيج
لاگه الناي صوتج .. وانعطر بيج
الخذج ماشم ووچد ..ون عطر بيج
اليه وطلگچ بأول مسيه







منقول

[تّـفـاَصيلـٓ]

حلووات عاشت ايدك

[Rose peace]

الله

[سمراء من قوم عيسى]

تحدب گلبي من فرگاك عدله
بملگه. وحتلو بالطيف عدله
قهر واهات گلبي تريد عدله
لحد ماينكسر گلبك عليه


الله الله
انتقاء مميز