كل ملاگه للعشاك يخنگني
نسيت وگوه بس تالي ؟
بس انته البقيت ابـ جسمي لـ تعرفه ،
اني وياگ يا گلبي ولا نصفه ،
يمتى ارتاح ما ادري ..!
الليل ابـ كل وكت موجود بالغرفه ،
كل ملاگه للعشاك يخنگني
مثل خنگة گبر متروك
من ينزار الـ بصفه
يـبو عيون العليهن باچي ومغني ،،
طحت وايديك ما فادت
الماي يطيح سهله جيب اليوگفه ،
هظيمه بصورتك احرگ
واني البيها جنت اطفه
انا الهاضمني من گتلي
ردانك يابسه وتغفه
وانا ذاك الحنين الـ يمه لو ذكروك
لو هوه الوگع بالگاع لو گطفه
باهر الجنديل
رد مع اقتباس
