يذابحني بعشرتك مني شتريد
ولك وصل حدها وراح افضحك
وتعرفني من اسولف انكلب سيف
واكوم منين ما احاجيك اجرحك
انا الخلصت كل عمري اقريك
صفر بدروسي تاخذ واني انجحك
غالي وداعت امي وجيتك رخيص
اخاف تبيعني اتفكر اربحك
انته الروح وانت اجروح الجروح
وانت سبب احزاني التفرحك
شكثر اتمنى اذمك من الاكيك
ومن الكاك اكعد بس امدحك
انه الماسحك من دفتر الشوك
بس الكلب ما يقبل يمسحك
واشيلك دمعة بلكي تطيحك العين
بدية اطيح عيني وما اطيحك
انت الي بيك ماصح غزر وياي
بعد شيسوي فوك جروحي ملحك
يتيم ومن اشوفك انكلب عيد
واشكك دمعتي وكدامك اضحك
رد مع اقتباس
المشاركة الأصلية كتبت بواسطة صاحبة العيون العسلية
