هنا

[فقار الكرخي]

چا شنهي طيفك دوّر الغير
چا وين اروحن بالتصاوير
من بير تاخذني لحضن بير
ثاري القفص زلة عصافير

ما طولت نزوة فوانيس
بس تلمع وما نگدر نجيس
يمكن شرب نياتك ابليس
هدهد واشوفن بيك بلقيس
احسبني جاي وي الخطاطير

بية الحزن مصلوب حيطان
عاگول وابچيلي اعلة سندان
مذموم چي عايشلك انسان
شمس الفجر والمغرب اخوان
بس للسمة كل ساعة تفسير

سيف الوجع چن ضل مراجيح
الگاع تعرف دچ الفلاليح
مچشف جروحي لجية الريح
ااخ بحلم ما تگدر تصيح
تتعب وما تحچي النواعير

محضر خدودي لبوس الگزاز
ثاري الـنهر بالماي جناز
الشارب عيونك دوم ما عاز
ياهو اليخلص اول للـعزاز
اتسابگ انه وي الطباشير

نحر الرسايل چلمة الـ ليش !
وشفتك برد هديت ال افييش
مو گاع بس تتسولف ابيش !
متعوب چي ما حاسبك طيش
شما تنطي تنغم التنانير









سجاد عباس الوائلي

[سمراء من قوم عيسى]

دام لنا عطائكم المميز والجميل