حزني يلكلشي بگالي
حزني يلكلشي بگالي
رتك ابروحي تجلب،
ماطيح اعلنهر هدمات جالي،
وليش توگع وي عتبنه،
ازواگ عميه اجثر العيب ابوجهه
يضيع ع المامش تعبنه،
ولمها روحك ،
صير ماي ابلايه كيش تعكب صافي،
وكل نهر ينكاش مايه يصير دهله ،
ولاتكلي
ابنادم المطلوب ثار ،
وتصغر الدنيا اعلى خوفه،
يزهك ايداعي اعلى كتله
كود مايك هده وي شباح صيف ،
وكول عذرك ،
من تصد اشموس تعرگ عيني شهله
كلشي وارد ،
ميله وحده وينحجي السكران گذله،
وعذره حزني مو بكيفه ،
اصبح كاخد بايگه اعجاج السهر،
وجع ليل او لاتصدله ،
صواب عايش جن خسف مگوار بليل الكمر ،
ينته جن اصواب العمه،
يوجد اجروحه ابوجعها،
انسه وحسبها يحزني،
الوجعه جن نثيه حنينه،
وتفگد ابنادم فجعها،
كافي بسك كثر خوفي ،
ودربي طيف او ادري ياخذني اعلثار،
وتاكل امتوني النذوره ،
وگفت ياخة قميصي،
ودگدگة بسمار بيها ،
وجامه لازم بلكت ايشوفوني صوره،
وانا اعرفك مو بخيت،
وجابني الخوف. اعلى بابك
وانت حايط ناهبه امحنه يحزني،
جن صحت يمك دخيل انا وبجيت
ونت حزني ياحبيبي،
ومن بجيت انا ونخيتك وانت ساكت ،
دورتلك عذر مني،
لابد ابطيفك دلاله ،
طاحت احجول الزواجل موش للله ،
كل حجل يفضح رساله ،
انت حزني
وناسنه اتميزك. ابروحي،
وشوك احديثة روايح ياحجاب اليستر احديثه عطر،
وحايطك جان انت طين ،
وصرت حنه ،
وماحسبت اتبوگني اطروش المطر ،
وقانع انا أبمر ربك
الله لو من ماي خالق عيسه ،
جان بضهره ماجلب صليب ،
وكوه صابر ،
جني منسي طول ابديرة غريبه ،
ومن رجع لولايته اتعير غريب،
وحزني سبحه،
انشمر گوه ابمتن خدي ،
وخدي طين،
ونيشنوني احفور بيه ،
وسجلوني اخر حرف بتايهين،
يثكيله احمول هجرك ثوبي وانا امشككين،
امير ال جدوع
رد مع اقتباس