................ مثل الماي ................
أورّد رازقي آمن آلآه ،
وآسكر من وجع كَلبي وبوس الناي .
الوجع يعصر بكَلبي وما لكَه وجهي .
من أول ضوه .....
البسمه على آشغافي رذاذ الماي ،
من أول هوه فك باب صدري وفات ،
الكَمر دلّاعه بعيوني ،
الكَمر سكران بشفافي ،
يشرب ضحْكتي لحد الصبح ...
..................... يركَص طرب ويّاي .
الوجع يعصر بكَلبي وما لكَه وجهي .
وجه مثل الندى شفاف ،
أمر آعلى الشواطي وتسكر الموجه ،
ويظل بخاطر الصفصاف .
سلس ويَّ الوجع ، شغاف مثل الماي .
حنين وناذر آعيوني شمع للماي .
لوما الماي ،.....
تطفه آزواكَة الورده وتموت آفياي .
يريت الناس مثل الماي
.
القصاب
رد مع اقتباس
