هنا

[تّـفـاَصيلـٓ]

ترجع بجيبك هويتك ،،
مل شكلها بكثر لمس السيطرات

ترجع محمل ضمه التعبان والبردان باات

ترجع اتلملم ضحك مدري بتسامه وتخجل گبال البنات
ماتغازل لاچن اوجوه البرائه تجبرك تحب الحياة

تنسه روحك تغفه يم اخر متن عبري بطريقك
تصحه يم شارعكم المركونه بي صورت صديقك

توصل الباب الوطن
شابع هضم

تنزع هدوم الثگل خدران متنك

وتشمر الجنطه ويفك حزنه العضم

ومك تلاگيك بملاگه الحبايب
اگرب الحضني الحنين وخل اضمك

تفرح اتشمها وتشمك

وتنفتح
باول غده اسوالف ملامه

يعاندونك عل حچي المو هسه وكته اعله الحمامه

يطلع ابريجك چذبهم نحمد الله اعله السلامه

وتگلب الماعون
وتنشف دمعتك

تركض اتروح الغرفتك

تلوم روحك
ياهو غنالك هلا. وقدر رجعتك

يهلي ابنكم فرگس النادوس اصبعه

يهلي يفزع مااو. من تتنخه ربعه

وياهو يطلبني ابعزيزه ايريدني ابچيله ابمكانه

وانه يامچتول ماغنيتله انت احبيب امك

وياشجر ذميت غصنه ابگلبه عش

يله گلبي ارتاح
صارت ب 12

لـ مصطفى الاشتراني

[فقار الكرخي]

حلوة
عاشت ايدج