حاجيتها وجان الخجل
ينزل مطر من خدها
كتكوتة وتذوب بعجل
و الاثر بان بخدها
جورية من صنف الورد
و الورد يمكن جدها
من تحجي يترسني العطر
تمنيت روحي بسدها
وياصوتها الچنة دوة
وهل راح كلبي العدها
بس هي لو كالو مرة
و الباقيات اشعدها
ياناس صلو عالنبي
يمكني راح احسدها
فقار الكرخي
مو نثية ربج خالقج من زبده
خدج الاول والكمر من بعده
يالنازكة وبيج الترافة تهد حيل
حتلو كمر غيرج كبالي شعنده
لامو بشر هل دخت بيها وضليت
هيج اعتقد متنسية امها بورده
بخدودها وذاك البياض الشفاف
يخبل شكلها من الصبح لو نده
مو للمس خالقها ربك للشوف
بعض الورد بس ينلمس يتبده
شلون اوصفج دوختي حتى الالوان
لون الورد بس طعم طعم الزرده
فقار الكرخي
كالولي مو يم العشك
هاي البالك صبه
واشعارك التنثره الة
لا ما تحرك كلبه
وضليت صافن عالحجي
هذا شيكول الربه
وصاباني احباط شكثر
ليش انه صرت بدربه
يصارحني ويكول الصدك
لو ادعي الله يعذبه
مخدوع ثاريني جنت
بيده انه صاير لعبه
كلبي الغشيم الماعرف
ياهو الضحكله وحبه
فقار الكرخي
الى منافق
ابد لتقيس ناس بنيتك السوده
ولا تحسب الطيب عابر حدوده
شيطانك نعرفة يصيح من بعيد
خلة شكد زعل حت وية معبوده
فقير ومن يسولف يعدل الميلات
و لكن بالخفاء سرفنهن زنوده
يبو ذوق الرفيع الكلك كلاوات
تمشيهن عليمن و اصلك قروده
لا والله القرد من يلكه موزه يهيد
بس انت ابد ما تبرد الدوده
خذانه المستحة وعدينه هالموضوع
بالجايات اعلمك شنهو الفهوده
فقار الكرخي
احلى كلمات فقارنا عاشت ايدك
سمسم الغاليةالمشاركة الأصلية كتبت بواسطة Dentista
رد مع اقتباس