هنا

[فقار الكرخي]

ياأول رجفة وارتباك ، وفزت عيوني الثگيله

بس كولي نتلاكة شوكت
يل تسكنين ابالي
فرصة ولج هذا العمر
ونضيعة ليش بخالي
من باجر يروح العمر
حالج يضيع وحالي
نغمة والحنج اغنية
ترهمين وي موالي



فقار الكرخي

[عضوية محجوبه]

[فقار الكرخي]

نورتي

[فقار الكرخي]

على كل حال اشكرك ربي عالنعمه
اريد وياي توكف ربي بالأزمه
ضاكت بية كلش والصدر مخنوك
وصبري الجان واسع خلص من همه
وليه الدنيه صارت والوكت عيال
مثل واحد بريئ و ينهدر دمه
اسدها و تنفتگ يومية بالقران
وانت اعرف يربي بدمعة الزلمه
ميت مختنك و القلق و التفكير
واكيد بهذا الك حطيت بي حكمه


فقار الكرخي

[جَنـوبـيـة♡]

مو بيدي هيج وداعتج يبنية
دوم انعصر والألم لاعب بية
عذرينه مانقصد نحط بيج الاه
كلماتنه مثلج ترة جنوبية
يفهمها بس ذاك الترف والذواق
وانتي اعتقد مخلوقة من حنية






فقار الكرخي

هاللـه هاللـه
كالعادة مُبدع

[فقار الكرخي]

ولو مصدوم . اگدر بيج نتغزل ؟
نسكت من نشوفج وين نتحمل
تمر سنين يابو سنين
وانتي شما كبرتي من الكمر اجمل
الخجل مرات بخدودج يضل حيران
هو من اذكر اسمج حيل هم يخجل
يعرف وين و يأشر عليج هواي
بدون عيون اعمه وبي بخت يندل
حصد وكعت بروحي وماكلت لا
بيدي السيف و اتفرج على المنجل
وتروح بواهسك وانترس كومة جروح
و اكول براحتك بس انت المعدل
واخيطهن وراك ومن يمرني الليل
احظنهن واكول جروح المدلل



فقار الكرخي

[فقار الكرخي]

تلحك لو ردت تدخل للأسلام
وتعوف الحادك وتترك كلامة
ونظيف تصير من كل البراثين
افضل ما تضل تشكي الندامة
غفار ويقبلك لو ذنوب هواي
يل ما تسوة عد ربك قمامة
النبي بنص غار من رادو يقتلو
عماهم ربك و دز الحمامة
تجي حظرت جنابك بالعرك سكران
وتكذب ايات ربك والعلامة
صح يمهل ولكن احذر بيوم
تموت وتنسحل يوم القيامة



فقار الكرخي

[فقار الكرخي]

يا وسفة الماخذج مايدري مشمومة
فقير وما يميز البلبل وبومة
اليگضي حياتة بدغش وية الناس
يخلص عمره كله بعيشة مشؤومة
البراءة البل وجه جواها كم شيطان
و ربع ابليس يمهم ناس مظلومة
الجذب حبلة كصير ومايبيض وجوه
لابد ينكطع و يذبهن هدومة
العاش بوجه واحد حييل مرتاح
حتى الناس ما فديوم وتلومة
الخادعهم جنت عرفوك ويعرفوك
من ضحكة جذب عالوجه مرسومة
ربك حابنه و طفاها بينه النار
وما عشنة بوهم يم ناس مسمومة



فقار الكرخي

[فقار الكرخي]

اعرف يغارون شكثر
منج لون طليتي
من النوم كون اكعد غفل
والگاچ ام البيتي
واكلبها للدنية گلب
من شي اذا ونيتي
والدنية حلوة تصير اذا
حبيتج وحبيتي
بالروح الج مسكن حلو
و فارشلج بصف ريتي
تدرين شيسوي العقل
بالليل اذا مريتي
يسهر يفكر للصبح
وتنسلب حت عافيتي
يالبيج ربج حط ضوه
وبية آلم خليتي
ينطوج اهلج لو نجي
خطابة من نبدي الحجي
بس كون بية ارضيتي



فقار الكرخي

[فقار الكرخي]

بدونج ما احس بالعيد
انتي العيد وهلاله
بأديج اطيب هاي الناس
وانه بكلبي تحط فاله
يدكتورة شكثر موجوع
و تصيح الناس هنياله
انتي الدوة وانتي العيد
شلون اوصفلج الحاله
وانتي ارض الوطن وسماه
من جنوبه لشماله
يا اول بشر يكتلني وافرح بي
وانه اول بشر يتلكة كتاله
يدكتورة اعلى سورج مات نص الجيش
و يم بابج استسلم هو وارتاله





فقار الكرخي