يبنية صفنتي العقل
بيج انه دايخ كلش
لو الله خالقنا نمل
بخدودج الكلهن تمر
يومية بيج انبلش
حتلو بلابل ننخلق
مو مشكلة نفس الفرق
يم رصعتج ونعشعش
گلبي انه بس يمج يدك
يبنية تردين الصدك
خدج بلون المشمش
والشامة حلقومة وككو
والناس داخو وابتلو
شامة وطعمها الكشمش
فقار الكرخي
مُتابعه لقلمك الاكثر من رائع صديقي
نورتي ي طيبةالمشاركة الأصلية كتبت بواسطة تاليا♪
مُتابعه لقلمك الاكثر من رائع صديقي
كون اوصل الراعي العلم واحجيلة
ماعندي غيرك انت و الله اشكيلة
عاندت كلش دنيا شدت وياي
لا عافية ولا جسمي ضل بحيلة
هواي خجلان بكثر ما ناديت
بالشدة بسمك وكت ذيج العيلة
تنطيها بالايد و تكللهم صار
اعرف نخوتك اسرع من الجيلة
اعذرني يا عباس بس هذا العام
زحمة من اخيك ما كدرت امشيلة
فقار الكرخي
احسنت وصح لسانك..
يصح بدنك يالحبيب
طلعت ناجحة معدلها يمكن مية
ذيج ام كلب مليان بس حنية
شوباش اطشن فوكج انجوم الكون
شمعة انتي ترهم تضوي بالكلية
فرحان كون اردح ردح هذا اليوم
بالصاكة من طلعت طبية
والكمر يلمع ينكلب ابيض حيل
لو من سمارج نحط بس شوية
منج ويعكس نور على هاي الناس
يستمد منج طاقتة الليلية
ريحان امدلج بالدرب من تمشين
وفدوة العميد يروحلج يومية
ويلوك الابيض للطبيبة وعرسان
دكتورة من يمج وافهمي النية
مادوخ اذا اطيح بمرض بالجايات
دكتورة عدنه وتشبه الكمرية
ومن هسة فاتحلج عيادة ام بابين
بنص كلبي وضلوعي التصح كشفية
قيسي الضغط كون ايدج اطخ بالايد
حتلو شلل تركظ ركظ رجلية
فقار الكرخي
الهوة لو شال خشمة يخسة يطب ريتي
انه انسان متعوب اعلة تربيتي
مو لاحوك واتوجة اعلة هذا وذاك
انه الكون اهزة بطاري شخصيتي
مثل بعض السنابل انحني مرات
مو ضعفا ولكن عافية بصيتي
و اذر للناس خيري وانه عايز ماي
هيج انه التواضع مالي خاجيتي
واذا اشتد الوطيس وصار ببها زماط
خشم يابس اصيرن فوك عافيتي
ويكص السيف صخرة لو يشد الحيل
ويضل يحلم بوجهي ويكرب امنيتي
فقار الكرخي
ها يالبومه
عبالج يتعب يتوسل
العافج ما شگ هدومه
ها يالبومه
يا شوكة ومتخفية بوردة
واليحجي تنغزة بزردومه
ها يالبومه
الما عاش وياج وليعرفج
مغشوش ايشوفج حلقومه
ها يالبومه
والعاش وعارف بس طبعج
يكره كل اسنينة ويومه
ها يالبومه
من گلعة الكرفتج موتي
طابوگة عليج وفد نومه
ها يالبومه
فقار الكرخي
يجي الليل و اضل مكابل اوراقي
و اضل اكتب شعر للراح و الباقي
تضل بعض المواقف بية كومة تعيش
وتهز بية شكثر حيطان اعماقي
اضم حزني واكلهم دوم مرتاح
اليدور حزن عندي حزن راقي
فقار الكرخي
رد مع اقتباس