ماعندي غير الصوبة بيها احتفل
مو مال دب احمر واجيبة سحل
احضنها وادفه وما يمرني البرد
و انعل ابو الحبيته لو أنسئل
بعيد المحبة لو ترد للصدك
تحضن حبيبك حتى لو تنكتل
فقار الكرخي
ماعندي غير الصوبة بيها احتفل
مو مال دب احمر واجيبة سحل
احضنها وادفه وما يمرني البرد
و انعل ابو الحبيته لو أنسئل
بعيد المحبة لو ترد للصدك
تحضن حبيبك حتى لو تنكتل
فقار الكرخي
مخروع فزيت الصبح
منشول خشمي وبس اكح
و عيوني جن بيها ملح
كمت انه اشك كورونه
وعدل وكبل للدكتور
واعصابي والدم يفور
ولمن كتبلي الناظور
شفتة غمز بعيونه
خوفتني كلش غمزته
و لمن لبس كمامته
صاح الأمن يم غرفته
و كاللهم تحبسونه
وصارت الهوسه وبلبله
وشكد فضيحه وبهذله
صاحو كرونه القاتله
شنهو الخبر فهمونه
ولمن رحت عالباص اكص
و صار التأكد و الفحص
كال اعتذر عندك مغص
نتأسف وعذرونه
فقار الكرخي
يوميه ضلع كاسرلي ملك الموت
هسه انكسر ضهري وقلت الحيله
كلش قفلت دنياي صارت ليل
بعد لو جار وكتي ياهو الاشكيله
يربي شبيك وي ربعي طحت حيل
هذوله بكل حرب تعرفهم الجيله
بيهم جان راسي ويه النجم مرفوع
اخوتي الراحو يعدلوها للميله
تعوفوني شعجب وتشمتون اعداي
وانه وياكم جنت كالكمر والليله
يغم الموت ياخذ وينه وينه الزين
زلم راحولي جانو ضلع بالعيله
هسه ارتاح كلبك حجي عزرائيل
شنو وكفت عليهم جنته دخيله
يمردون الكلب خواني من يرحون
بعمر ورده ويسلم للقدر حيله
فقار الكرخي
نزورك يبن جعفر لون
تمطر مطر كورونه
قبله الدواعش حاولو
ما كدرو يمنعونه
والما يشوفن كبتك
المن يريد عيونه
خلهم يسون الحظر
نوصل على عناد الكفر
والما يوالي اهل الشمر
يوصل زحف بمتونه
فقار الكرخي
عساها بذمتج الاوهام
جفن لا يغمض ولاينام
ولا جرح الكلب يلتام
ويخنكني هوه الريه
عساج ولا تهنيتي
بيوم جفوف حنيتي
يغصه بروحي خليتي
و هل بين اثر بيه
نمتي بحضنه ونسيتي
هيج بسرعه وغفيتي
ومكيف انه امنيتي
اشوفج صافيه النيه
بجهالج كون تطلع حوبتي وسهري
وعلى حركة اعصابي وفورتي وقهري
يم ربج دعيت و سلمت امري
يهجم بيتكم صبح ومسيه
فقار الكرخي
جميل ما اقرا من سطور
تسلم الأيادي
المشاركة الأصلية كتبت بواسطة basher4
نورت حبيبي بشير الغالي
لو ادري ما حاجيتها
و تزعل فلا خليتها
يتمايل وياها الكلب
هاي الصدك حبيتها
حقج يحلوة ادللي
دوم بعذابج مبتلي
انتي وي غيري تغزلي
وانه ابلع و مشيتها
من عندي يلفيج الزعل
يا بعد بيتي و كل امل
و خدودج اترسهن قبل
حتى انه احس راضيتها
ياربي شن هذا القهر
ما جارح بعمري كمر
انذر اصومنلك شهر
من هسه لو رديتها
فقار الكرخي
خلتني بس اكتب شعر
هاي ام مشاعر قاسيه
راحت و لا منها خبر
ذكروها يمكن ناسيه
فقار الكرخي
ما تجين
هم مثلي مدري شمنتظر
ومتاني كلمة حرشه
لو عاجبك هذا البعد
وبالقهر كلبي تفرشه
حنيتلك مدري شكثر
هواي الك بيه الوحشه
ساكت واتاني يطر صبح
مثل البلابل غبشة
يغرد لون شاف الضوه
ويرد غروب العشه
يسمع الحايط وانت لا
غرتك هاي الطشه
فقار الكرخي
رد مع اقتباس