هنا

[سمراء من قوم عيسى]

جا وين الكالو سلمية
ونطلع من اجل الحرية
هاي بيوت الناس انهجمت
وانت تهزلها بجفية
يالتدفع بالناس وتختل
من ربك خل خوف شوية
شمسوي الجندي الدافعلك
واكف يحرس بيك وبية
هيج نجازي الجيش الباسل
وانلزمة انكتلة بتوثية
ماعندك غيرة اعله اخوانك
ماعندك غيرة عروبية
مغشوش وياكم رحت اركض
ضد السلطة الأسلامية
ثاريها شوية اشرف منكم
ما تكتل هيج بوحشية
كلمن لازم بطله اواكف
وبالأسود مليانه النية
ما تفرق عن داعش كلشي
نفس اسلوب الأرهابية


فقار الكرخي

صح السانك

[فقار الكرخي]

عمت عينك يا وطن لمن نويت
تنهض بذولة يشيلون الحمل
كون عندة السان جا صاح العراق
هاي ناسك يا وطن شبعت كتل



​فقار الكرخي

[الملاذ الاخير]

عمت عينك يا وطن لمن نويت
تنهض بذولة يشيلون الحمل
كون عندة السان جا صاح العراق
هاي ناسك يا وطن شبعت كتل



​فقار الكرخي

من وصايا الامام علي لابنه الحسن « عليهم السلام »: الا لا تقتلن الا قاتلي ضربة بضربة .. واياكم المثلى ( التمثيل بالميت ) فاني سمعت رسول الله ( ص ) يقول لا تجوز المثلى ولو بالكلب العقور ..

عفية عليكم والله .. حتى يشوف العالم دينكم واسلامكم
وخوش راح تحصلون دعم واسناد ..

[فقار الكرخي]

من وصايا الامام علي لابنه الحسن « عليهم السلام »: الا لا تقتلن الا قاتلي ضربة بضربة .. واياكم المثلى ( التمثيل بالميت ) فاني سمعت رسول الله ( ص ) يقول لا تجوز المثلى ولو بالكلب العقور ..

عفية عليكم والله .. حتى يشوف العالم دينكم واسلامكم
وخوش راح تحصلون دعم واسناد ..

اليوم سقطت الأقنعة
المظاهرات سرقت بعد 5 ايام من انطلاقها


نورت حمودي

[فقار الكرخي]

كتلهم براسي الألم
كلولي هيج الطيب
مايبقى بي صاحي الشعر
يوكع قبل ليشيب



فقار الكرخي

[فقار الكرخي]

كون الله وترد عازتك
حتى انت تذكر حسرتك
من عدها حتى تسلم
ماتسأل الا بمصلحه
ضنيت خوتك ماالحه
بس وسفة بيك انشيم
ميخالف وكونك زين
حت لو تشح عن العين
بالزين بيك انكلم




فقار الكرخي

[فقار الكرخي]

...... 2020 .....

كونج محملة اجيتي
بخير تردين الصلح
سنين مرت كلها سودة
وننتظر منج صبح
ونشبع افراح بحضورج
والحزن عدنه يشح
ويزدهر ويرد وطنه
العاش وبظهرة رمح


فقار الكرخي

[فقار الكرخي]

ابد ما بيكم اليشجي يصح ناي
طحت وبعوز ما واحد يصحناي
عجب ما غزرت بيهم يصحناي
كلو زادي وصفو شمات الية



فقار الكرخي

[فقار الكرخي]

هااا ذيول

هم ياهم الذيول ؟

الناس ماتعرف عليمن

تفرح بدك الطبول

وانه اكول .

اليكعد يخرب وطنه

وللغرب عنده ميول

الأيدة عالغربة كصيرة

وبس علينه ايدة تطول

هناك يم ربك نلزمة

والخصم فحل الفحول

القتلو خيرة ولدنه

هم واتباع الفلول

كون بعدة حسين عايش

الداست بصدرة الخيول

جا حمل ثورة عليكم

حتى لو جدكم رسول




فقار الكرخي

[فقار الكرخي]

راح علاوي وبعد ماضن يعود
و ادري كلمات الفقد معذورة
ياكلام اليوفي حقك وارثي بيك
و يا امام البيك احشمه نذوره
الجان طولك من يمر تغتاض ناس
وسفة منك ما بقت بس صورة
راح وبروحي ترك بس ذكريات
كونك تمرني بحلم تسيوره
بيه صرخة بداخلي تهزلها كون
وبيه آه ودمعه بيها حروره
منهو وازاك اعله خوتنه ومشيت
ضهورنا بفكدك صفت مكسوره


القهر والضيم بفراكك يربكون
طلب واحد ردت منك يرب كون
الي صاحب يرد ليه يرب كون
وتعيد ايامنه الجانت سوية




فقار الكرخي