ذكرتني بالثلاجة
ذكرتني بالثلاجة
مستحيل اكو ثلاجة تشبه ثلاجتي بالعباسالمشاركة الأصلية كتبت بواسطة أحمد العثمانيے
ذكرتني بالثلاجة
5 مرات يحترك الماطور مالتها وابدلة
حسبيا الله ونعم الوكيل عليها
عايش بروحي الطعني ومو غريب
هواي توجع طعنة الناس العرف
صارت الحسرة تجيني بكل زمان
امنيتي اعاشرلي بشر يطلع ترف
وبعد ماصدك احد حت لو اخوي
لو يضل يومين يكضيها حلف
ناسي قابل بالعدد تصبح قليل
وحيل قانع بالعداوة تصير الف
فقار الكرخي
التعديل الأخير تم بواسطة فقار الكرخي ; 9/July/2019 الساعة 12:54 am
بشرني الخذاك معدل ؟ شلونة
وكلبك بعدة ابيض لو خبط لونة
طمني الوضع واخبارك بتفصيل
لتخلي الكلب يتأذة بضنونة
فقار الكرخي
مخنوك احس يابو الحسن
ناس شكثر ضلموني
حاسبهم حزام الضهر
بيهم اكحل عيوني
بالشدة من صارت صدك
ما جذبيت ضنوني
ما ادري شمتاني بعد
خلف الله من صحوني
همزين اعرفها كبل
من شلونك يسئلوني
غايتهم اعرف مصلحة
بس ذولة ما هموني
همني الي راكضلة عمر
حاسبهم الناس الطهر
عالجرح من خلوني
مخدوع بيهم للأسف
من طحت ما شالوني
لا بدها تفتر دنيتي
وتشيل حمل امتوني
فقار الكرخي
صح السانك فقار الذهب
بعد روحي نورت الكون
احد الاصدقاء تأخر في الذهاب الى الحج
فكتبت له
بس كلي شوكت للحج يودونك
ولو ماضل وكت بس لا يعوفونك
الف هنيال بيت الله الينور بيك
والف هنيال حجاج اليشوفونك
اريدك من تصل يم رمية الجمرات
احلفك بيش كون اتعب امتونك
بلكي الله اعلة ايدك موتت الشيطان
من تضرب امروتك فتح عيونك
كبرها الحجارة ونيشن بأتقان
واسأل غاد بلكي سلاح ينطونك
واريدك بالصلاة تدعي الجميع الناس
مو بس تدعي للناس اليوصونك
وترد سالم ونفرح حجي طب للبيت
و راح ادعيلك الكاظم يزوجونك
فقار الكرخي
هكذا كانت حياتي
هكذا كان المصير
يمتة يا عالم دكولو
يمتة يرتاح الفقير
انه سر تعبي ضميري
كون اعيش بلا ضمير
هكذا والدنيا تزهو
بعد لوعات السعير
عايش سنين انه الاول
شبية صرت انه الاخير
يا فتات العمر قف لي
وارسم الخط كي اسير
الما دخت بيها بشبابي
ليش هسة بكلشي احير
اعلنت خيباتي نصرا
منذ ان كنت صغير
دنيا مدري شلون صارت
اي مثل بول البعير
فقار الكرخي
أخ لو عمري يرد بس ليورة
حتى احسب حساب للصار وجرة
وترجع ايامي الكظت ما ادري بيش
وابدي ارتبهن حساب ومسطرة
ابد ما حسيت بيهن من مضن
سنين وبغفلة احسهن من كظن
وما لكيت انسان عمري يفسرة
غمض وفتح مشت بية الحياة
عشت جايبها بتعب وبجرجرة
غشني وكتي ومادريت الشيب عيب
وكمت اشوف الراس يقهر منظرة
جانت امنيتي نرد بس مادريت
صارت بكلبي الاماني مكبرة
كل حلم شيعتة بي كومة انتظار
و شيعوض سنين راحت بالسرة
ولا يغشونك ترة اليكبر وقار
تبقى عينك عالعمر تتحسرة
فقار الكرخي
رد مع اقتباس