هنا

[فقار الكرخي]

مخذول احس جبت العمر
يا كلبي عوف الطيبة
وبراسي من ناسي شكثر
يومية تطلع شيبة
و الما يجيني بعازتي
ما ريد عوزة يجيبة
الماشيتهم ل أخر نفس
خلوني اعيش الخيبة
والشدة تفرج ما تضل
شامخ اضل مثل النخل
قانوني منا وانتهت
كلمن يصادق جيبة



​فقار الكرخي

[فقار الكرخي]

يعرفون وية ربك بالصلاة مشغول
اليوم طبرو هامتك اهل الغدر
حقها منك تمتعض اهل النفاق
الما يحبك ياعلي من اهل الكفر
ولأن موتك صار مغدور بصلاة
انة يومية انفجع وكت الفجر
وهيج ربك كرمك يابو الحسين
خلة وي موتك يصح ليل القدر
انة ما اكدر اوصف حزني بيك
لو اضل كل عمري ادكن عالصدر
يا ابوي وصاحبي وديني الصحيح
كون اسويلك عزاء بكل شبر
اليوم بأسم المصطفى وأل الرسول
نعزي دين الله بأمام اهل الفقر
اليوم امامي مخضب بدمة وصريع
عظم الله لنا بيك الأجر


فقار الكرخي

[فقار الكرخي]

الدنية لو رادت تصعدلها بشر
حتى ربك هم يغض عنها البصر
واني اتاني اصعد وياهم نويت
تالي كلتلي ويه جيت المنتظر
هي هم حظوظ عيش الدنية هاي
ليش بس عالفقرة مشمور القهر
قارنت روحي ويه ناس الصاعدين
الجانو بهالدنية ما عدهم اثر
ولو جان الفرق شاسع بس رضيت
قارنت طير الحمامة وية الصكر
اني جايبها بتعب ما جتني هيج
عكس ذاك الجابها برمشة نظر
انة بالحر و البرد عندي قتال
عكس ذاك الماع بس يسمعلة حر
ولازم نحط النقاط اعلة الحروف
فرق عن الساجية هواي النهر


فقار الكرخي

[فقار الكرخي]

كلولة من يوم الرحت
ما بقت يمي العافيه
كلولة بيتك بالكلب
باقي ويه نيتي الصافيه
كلولة حبك بالعلن
ماضل سوالف خافيه

فقار الكرخي

[ضياء الصافي]

موفق..

[فقار الكرخي]

موفق..

نورت اخوية

[مريم@]

افتتاح موفق
متابعة

[فقار الكرخي]

نورتي يالغالية

[فقار الكرخي]

ضلعي
هلو عيني
ممكن نتعرف بلى زحمة
منو حضرتك
واحد شالع كلبة
تريد اشلع راسك
اكيد هاي اذا راح نتعرف تشلع راسي
هاي هية شسوي مجبور



مجبور احب وانسى المضى خليتني
خاتل وممبين العشك بس انته الندليتني
تاليها يم درب الهجر كمت ورحت ذبيتني
ماطور جبت لساحبة شدة انته يالشديتني
مجبور اشدة وانلصم انت شكثر اذيتني
خل يبقة كاتلني الحرك يله المهم حبيتني
حبيتك وشابع ندم حتى الاهل نسيتني
المطبخ حركني حرك مثلك لمن جويتني
تستاهل واكثر بعد جي انت ماعشيتني
وك ياعشة الينعز لون حسيت ما مليتني
ما انكر بيوم الصحن من بالسطح غديتني
لك اني كلي فدوة الك يل بس محبة انطيتني
واضح امبينة محبتك من عالحبل شريتني
كلبك كلب ام واعتقد تتأذه لو ماجيتني
مو مشكلة الجية ترة ملجوم يالجويتني
تكررت كافي القافية وعالساحبة انته انسيتني
مو مشكلة البيت المضه مشكور يالخزيتني
يمعود عالساحبة ما جاوبت بجيتني
اصبرلي منا للعصر تأمرني يالخاويتني
شجرة انته وبصحرة العمر مشكور يالفييتني
مقهور منك وانتظر مشكور اذا واسيتني
مقهور ليش وتنعذر للعصر لوما جيتني
مو مشكلة تكرر حجي ما احجي بس حجيتني
جلبت مو كافي الحجي خلص واحس شليتني
ضايج جنت من الصبح وانت الظهر سليتني
اختنك وافرح بالحجي وياك لو سبيتني
مشكور فرحت الكلب وافرح لون مريتني
خليها ترجية بأذن اهواك لو عاديتني
ماعادي قطعة من الكلب بالسيف لو طريتني
لك انت لليمرض دوة وانه اعتبر داويتني
ساويتك بضلعي وكفو بس انت ما ساويتني
اعطش وارويك بدمع وبمحبتك رويتني
لمشافة من الله ودوة وانت اعتقد شافيتني
ماشايف انه من الوكت وانت الفرح راويتني
لغز انه دوخت الوكت ماحلني بس حليتني
وردة ما شوفني ابد وانت الفقط شميتني
شميتك وبيدي الورد وبخنجرك دجيتني
ماعدها خنجر وردتي هاوي وكره سميتني
نيتك ولا نية صلح من سالمت لاويتني
انه من اردن ما اذم ليش بحقد ذميتني
ذميتك وجان القصد مثلك لمن ذليتني
ناديتك بصيت الوفة ليش بغدر ناديتني
ياهو الغدر من سافرت وبالدمع من هميتني
سافرت حته بحلم ارجع واكول سبيتني
ارجوك لتوهم الكلب انت بطمع ماشيتني
لاتستغلني بطيبتي وتكول ما وافيتني
وافيتني بدرب الحزن عالفرح ما جريتني
شوف انت حبك بالكلب ليوين بي وديتني
مرتاح اضل اكتب شعر انت اعتقد شهيتني
انه احجي وياك بصدك وانته على راحة وياك احس مشيتني
مو بس الك كل الحجي اجرحك لو وازيتني
حس وافتهم بية شجرة ماي ارويك بعطش وانت بغفل بديتني
اوك افتهم حجي العطش من زتك وزتيتني
يعني شتريد ابقى انه الك وانته بزعل حطيتني
عبرها ماتعرف شنو ما حاجي من هزيتني
النقطة لتحطها وابد تعتذر لو حاجيتني
كل هذا وتريد اعتذر لو باقي ما تانيتني
رايح العالم بي وفة وانت العتب وديتني
شايلني بس وسفة الصدك ماترهم وهديتني
خليني ارد عالساحبة يالموعد انته انطيتني
نص ساعة يمك وانه اجي مشكور لو داريتني
مثل امي احسك ياذهب من كثر ما باريتني
ياريت اضمك بالكلب اتمنى بس ياريتني
جذاب انته انه اعتقد جي بالكلب ضميتني
جا وين اضمك يا بشر وبسيفك وحزيتني
غيرك مسويني حزن وانته فرح سويتني
ضنيتك تريح الكلب وانت بضلم ضنيتني
عمي انه ما ماخذ تره بس انته يلي انطيتني
متكرر بحجيك صرت لو اني جا زفيتني
وديتك الحب او وفة ليش الزعل وديتني
انطيتك وتالي اندمت عالكفر من وديتني
اندم براحت واهسك يالبيك ماشفته حلو وبي صرت احس حاجيتني
وليتك ضلوع الكلب وانت الضهر وليتني
ليش انه اصيح بالسلف اهواك يالعابيتني
جايك تلكاني بهلا مشكور يالعنيتني
هسة بعد وكته الوكت خليها ببرودت وكت هذا انت يالوصيتني
اعذرني خابرني شخص يل بالشعر شديتني





محاورة للطرفة
انا والصديق الشاعر حسين الشاعر

انا باللون الاحمر
هو باللون الاسود

[فقار الكرخي]

ثلاجتي شدت عداوة وياية
من العام ما شايف ابد ثلجاية
يومية اصلحج كولي مني شتردين
لا شربت البيج البرد لا ماية
طلعتي روحي بيوم جبتج للبيت
بحلوك هاي الناس صرت حجاية
حيل انقهر من شفت ذاك المسواك
ممرود بيج يهفي ب مهفاية
والقهر اكثر لمن افتح لفريز
وكون انتحر من جافت اللحماية
يا وسفة من خاس العنب ويه الخوخ
والعمبة حمضت هي والجبناية
ماضل حماية ما نكل بخته عليج
لا ضل بخت سيار لا مشاية
كون الله لا ينطيج بهذلتي الحال
و كون بخواتج حوبتي وشكواية


فقار الكرخي