اداء امجد الخزعلي
وعلي عباده
يايمه لو ترجع بعد افرشلك اجفوني
ضليت اناطر جيتك يالماخذ اعيوني
ياوليدي يالبعدك شباب
يا وسفه طماك التراب
ضليت اناطر جيتك يالماخذ اعيوني
......................
ياجرح كلبي والدوه
بغيابك اكليبي انجوه
الدنيا ضلمه بغيبتك
بس انت لعيوني ضوه
ثاريني انه اتنفسك
ما عايش انه اعله الهوه
ياروحي يانبض الكلب
شيصير لو نكعد سوه
ضليت احاجي بصورتك وتعاتب وياها
معقوله امك بالعجل يوليدي تنساها
مو طبعي يايمه لعتاب
يا وسفه طماك التراب
ضليت اناطر جيتك يالماخذ اعيوني
.... . ..........
يا يمه روحي محيرة
وبعيوني ما تدري شجرة
راحن ييمه من البجي
لمن طحت فوك الثره
كل ضني أحضر زفتك
لمن كلت رايد مره
ما جنت اضنن حنتك
اعجنها وسط المكبره
يا وسفه شمعة حنتك بالدنيا طفوها
لكن يخيال الشرف بالجنة شعلوها
يوليدي واقع مو سراب
يا وسفه طماك التراب
.. ...... ......
يوميه اكصد للكبر
ونشد عليك بكل كتر
اكعد وكابل صورتك
ودموعي تنزلك جمر
يالي نمت تحت الثره
شي صبره كلبي المنكسر
ما يسوه عمر امك بعد
واتمنى لا طال العمر
أتمنى وياك اندفن بس ما يصح بيدي
لدنيا هم ترجع بعد حاجيني ياوليدي
ما اريد اعيشن بالعذاب
يا وسفه طماك التراب
......... ..........
يوليدي يالعني رحت
تحضر لون ساعه ردت
احسب ثواني لجيتك
سهرانه لليلي وما نمت
كل يوم اناطر جيتك
يايمه ليش تعطلت
تدريني ما احمل بعد
هل مره حيل تأخرت
أتمنى اشوفنك تجي ولفرحه بعيونك
من باجر اخطبلك مره وربعك يزفونك
لام لبنين اطبخ ثواب
يا وسفه طماك التراب
......... .......
الشاعرعلي زيدان الفريجي
رد مع اقتباس
