هنا

[فقار الكرخي]

اكرهك ياوطن يابو العصابات
اكرهك من صرت ضدّ المساكين

شعب مابيده بس الله وهتافات
هضيمة بوجهة تنحد السچاچين

اخــاف احچي وازيد الطين بــلات
اخاف اسكت وادحج ربعي ميتين

اليتامى بجالك مگضيها حــســرات
واجت هاي الحكومة انباگوا سنين

ابو الحصين شدّ وي الحمامــات
والجــريــذيــة تنهش بالجناحين

شبلاك الزاجل اعله الساتر تبات
وفريخاتك بحضــن البــزازيــن

اخاف ازهگ وادنسها الشعارات
صــمٌ بــكــمٌ تكفرنــا بالــديــن

طلعنا نريد حگنا وحگ الآهات
رجعنا بلافتات اعله الحياطين

ذلــة بهالــوطن ونصيح هيهــات
عجل فشلة بمحرم نحچي بحسين






محمد الطالبي

[NA'EL]

لقد قسى الشاعر على العراق جدا فلا يستحق منه عراق علي والحسين عليهما السلام ذلك
انا وياك ان العراق راوانه الويل (والمشتكى لله وحده) الا انه يجب علينا الصبر والصبر محمود تاليه
تحياتي .

[فقار الكرخي]

لقد قسى الشاعر على العراق جدا فلا يستحق منه عراق علي والحسين عليهما السلام ذلك
انا وياك ان العراق راوانه الويل (والمشتكى لله وحده) الا انه يجب علينا الصبر والصبر محمود تاليه
تحياتي .

الجميل العم نائل
اكيد هو يقصد من تبوء منصة الحكم


نورت واكثر ياطيب

[Mujtaba Xavi]

الوطن مو مذنب الوطن يحتاج مواطن عندة روح المواطنة مو يكمزلي ورة شعيط ومعيط.تكدر دكول أكرهك يا شعب لان هو الي وصل الوطن لهالي المزبلة.

[specialtoma]

شكراً لك

[NA'EL]

الجميل العم نائل
اكيد هو يقصد من تبوء منصة الحكم


نورت واكثر ياطيب

لا اذا قصده ما تقول اني وياه وعساهه ابحظهم وابختهم .
تحياتي ياورد .

[سمراء من قوم عيسى]

شكرا ع النشر

[حسام البيرماني شيزر]

الشاعر كلامه كان متناقض جدا بهذي القصيدة
خصوصا هالشطرين
ذلــة بهالــوطن ونصيح هيهــات
عجل فشلة بمحرم نحچي بحسين
..
انا معك الحُكام فُساد
لكن الامام الحسين والنبوة هم رمز الصبر والشجاعة
علينا ان نصبر
.
اكيد راح اتكول الشعب مو شجاع ههه

لكن الوطن يحتاج لشعب وليس لحاكم
لن نتناسى النظام المقبور
نفس الحال كان لكن بصمت وخوف
وجهة نظر
نتمنى من الله ان يصلح الحكومة والمجتمع
الاثنين اذا ما نوجدو بآن واحد
ف لا نادِ لمن تُنادي


شكرا لك ع النقل

[ثامر الحلي]

الوطن يقف على كف عفريت وينحدر بسرعة كبيرة، أخاف عليك ياوطني فأنت لاتستحق كل هذا الجور
شكرا لك شاعرنا المتألق فقار الكرخي

[فقار الكرخي]

منورين