هنا

[فقار الكرخي]

امس كل الشوارع باگت نجومك

وك افزعلي شعلومك

شعلوم المدينة السامرت ليلك

امس حتى الندى دغدغدها لـ هدومك

شلالي اعلى شاطي عيونك اتسرسح

يريت گلادة و بزيجك من تتحرك اتمرجح

اصلي وبيك اتلولح

خمر ذاك العنب معروف بس خمرك يحل شرعاً

الچفافي دموع ما شبعن

ليلاً احترق شمعاً

ولك طبعآً

اعشگ كل روازينك !

فراش ومتيم بيك عاشگ ريحتة الـ طينك

چا وينك ؟

امس بية وطن يندلها لـ ريولك ..

يـ سري و مابوحن بي مو للناس لاه النفسي ماگولك

اظن خيط الشمع تفصال من طولك

اناطر شبچتي تنولك

اناطر جيتك لو ريل !

يمرني اعلى السچچ و انداس

اشتهيتك يلـ نبيذ بليل غنوة وصاحباها الكاس

يبن الناس ..

الك بية خلگ شجرة صندل راهم وية الفاس

الك بية محطة و ريل

الك بية هوى البستان من يعيل

الك بية رحاة و هيل

انة بـ لولاك ما احصد

الك بية سنابل تغري بعيوني

فلاح و حصاد الخير من انخاك يغروني

يـ ناس بذمتة بروني









نور آل عماد

[اسرار الكون]

حلو ~
شكراً

[سمراء من قوم عيسى]

رؤعه احساس جميل

[فقار الكرخي]

منورين .