هنا

[باقر الربيعي]

للعليله ع


لحظة وداع الغالي عن عيني رحل
كلبي مرتاع تالي ابقه بلا اهل
شلي بعيوني بعد والضوه عنها ابتعد
تالي ابقه بلا اهل
........
بانت بعينك علامه بيها تبيان السفر
وترجمت نظرات عينك من تباوعلي بقهر
جنها بوية وداعة الله وظهري بالنظرة انكسر
وصارت لحزني غمامه سوده بس بلا مطر

عينك تكوول يالعليله الله الج
بيها مرسول موادعج ويه هلج
شاء مايبقه أحد والضوه عنها ابتعد
...............
جروح حجي عيوني يمك طالع يدوور دوه
الظلمه ماتنجهب بوية دخيلك ابقالي ضوه
شنهو اتنفس دكلي يالخذت مني الهوه
المرض والغربه بعدك اجتمعن عليه سوه

حسب احساب روحتك بوية جرح
تدري الغياب يرفع آمالي برمح
مابقه لروحي سند والضوه عنها ابتعد
........ ...
ماكو رجعه من سفركم وحضرت للروحه زاد
من رخصتك بوية بله خل نسولف بأنفراد
عادي كلشي مايأثر لوضعنكم نفر زاد
اشتظن يابويه اعيشن والأهل عني بعاد

وي الظعن سار كلبي ذاك ويه خوتي
خاليه الدار راح اليسد خلتي
خالي شو ظل المهد والضوه عنها ابتعد
..................
يالاذكرك بالزجيه شلون اظل متألمه
وياك اخذني خل اروح عليك دمعة فاطمه
تشوفني عيونك مريضه لا تره متوهمه
والله كل الحيل بيه ارجوك اخذني خادمه

خذني وياك بوية اخدمك بالدرب
صعب فركاك و تدري نسيانك صعب
شوفتك جانت ضمد والضوه عنها ابتعد
..................
عكبك ابقه بلايه روحي شبه ميته بفركتك
بذكرياتك من ادور بخدي الكه بوستك
عودت عيني يبوية كل صباح لشوفتك
بويه دمعات البرائه مني جا ما قهرتك

تحجي العيون والدمع صوت الحجي
من تروحون سلوتي يصير البجي
من البجي كلبي انمرد والضوه عنها ابتعد
................
تارس حساسي ترافه وردة وانته لكلبي ماي
انته ابوي وانته امي وانته مصباحي وضواي
ربي لا يحرمني منك شكد احب الدعوه هاي
من رحت ماكلت بله هذا من يركض وراي

بوية خلفك تدري جم مره طحت
بوية احلفك بدمعتي ما تلتفت
فكدك لحالي اضطهد والضوه عنها ابتعد
.............
القدر شاء وكلبي شاء وفعل ماشاء القدر
بلايه شمسك راح اضل وراح اضل بلا كمر
لو تحس بنار تسري بوية من قبل السفر
مو خيامك هذا كلبي قبل الخيام استعر

بيه جم نار تاكل بكلبي اكل
فكري محتار لفركتك ما احتمل

موتي ضل اخر وعد والضوه عنها ابتعد

#الشاعر_منتظر_الجنابي

[هيلــه]

شكراً لك

[باقر الربيعي]

الشكر لله ^_^