راحت ايام الجنت مهيوبــــــــه
اسمي صار الضايعه المسلوبه
زينب اليوم السبيه راح وكت الهاشميه
ــــــــــــــــــ ــــــــــــــــــ
اشما ردت اقنعها روحي توگف اگبالي جروحي
اتگلي وني وحيل نوحي جلمة الحـــگ
المنهدم حيله اشيكــــابر مااظن عدله انا باجر
عيون شماتي حوافـــــر اعليّه تسحگ
انگطع جف اليمسح ابآثـــــــــاري
الجان ستري ابلايه راس وعاري
وانا ما بين ال اميــه راح وكت الهاشميه
ــــــــــــــــــ ــــــــــــــــــ
حسين اخذ من عندي حيلي من رجعلي ابـــــلا جفيلي
ومن رجع مهره يويلـــــــي سابح بدم
گتله وين الروحي عنـــــده اتروه لو ظل ضامي جبده
مات لو بي روح بعــــــــده لو تهشّم
يامهر وديني يم حسينــــــــــــــــي
بلكي يسمع صوتي ويحاجينـــــــي
ارد احلفنه برقيــــــــه راح وكت الهاشميه
ـــــــــــــــــ ــــــــــــــــــ
حسين من انثلم گلبــــــــه شگد شفتها العيشه صعبه
راح جم ديوان اطبــــــــه طولي ينشاف
من يشوفه حسـين يعرگ والگمر لوشافه يغـــــرگ
مستحه جاوينه يلحــــــك ضرب الاجتاف


مثل ما غيّر الحــــــــــــــــــــر الوانه
انه من حر الشمس ذبــــــــــــــــلانه
اسهام جنها اتصب عليه راح وكت الهاشميه
ــــــــــــــــــ ــــــــــــــــــ
صعدتي اعله التل مصيبــــه ارجعت لعيــــالي السليبه
منين گالو هالغريبـــــــــــــه وانكروني
محد ايحمله اللي شفتـــــــه حسين گامت ليّـــه جثته
وطاحت وياريت ميتــــــــــه وگطعوني
فزعه بي من شافته الخيّــــــــــــــــــــ ــاله
ركضت اتدوسه وتگطع اوصـــــــــــــــاله
والحوافر جنها بيـــــــــه راح وكت الهاشميه
ــــــــــــــــــ ــــــــــــــــــ
الظهره محني وصرعه اهله شلون يصعد ناگـــه هزله
السوط ماينطيني مهـــــــــله والله حيـــــره
عاليه الناگه عليّــــــــــــــــه وانه مجتوفـــــــــات اديه
واليتامه امجلبه بيـــــــــــــه وشوفي اديره
ماشفت دمعة محنه الحــــــــــــــــــــــ ــالي
كلها تضحك وانشتم كفالـــــــــــــــــــــ ـــي
وصار اسمي الخارجيه راح وكت الهاشميه
ــــــــــــــــــ ــــــــــــــــــ


علي محسن الزيادي