هنا

[ღ عِشق ღ]

قصائد شعبية فزاعية مكتوبة للسيدة زينب ع ورملة ام القاسم محرم 2018




........


والخيام حركوهه ..


اصعدت ع التلة وصحت

معصبي شلته وحشمت

من هالمصايب شيبت

ثاية علي داسوهه .. والخيام حركوهه


جدامي اشوفنه الشمر

يضحك اشوفه ومبتشر

ويصيح يله يا زجر

بت فاطمة طلعوهه .. والخيام حركوهه


والله بقيت امحيره

ياخيمة اطبهه اموجره

سبعين الف وآنه مره

الما تنهضم هضموهه .. والخيام حركوهه


عاميني دخان الخيم

واسمع ثغيب من الحرم

حيلي يبو حسين انهدم

الما تنهضم هضموهه .. والخيام حركوهه


مذبوح ابن خير النسه

مسلوب منه محبسه

جتال اخيي لابسه

وهدومه ما خلوهه .. والخيام حركوهه


حتى العبي سلبوهه ..


من هالزمان شأرتجي

راح اليعدل هودجي

يابويه أأيس لو تجي

زينب تره هضموهه .. والخيام حركوهه

################


معرس ردتك اشوفنك ..يجسام

بيدي يبني ازفنك ..يجسام


(النص)

عفتك امك ييمه ابلوعة الفرقة

بغيابك ييمه اشهك الف شهكة

وحق كل دمعة طاحت من الحسين

ترد روحي يضعني ابساعة الملكه

ترد روحي من الاكيك .. يجسام

تعال ابعيني اخليك .. يجسام


يتكسر حنيني واصرخ الويل

الله يعين صبري ويسند الحيل

ادعي الله واناجي رايده الموت

من تمر ذكرياتك بآخر الليل

ادموعي جفت ابعيني .. يجسام

وياهو الي يواسيني ..يجسام


عمر وردة وعفتني من رحت شاب

بيدي اشلون احطك جوه التراب

جزع جرحي ابموتك كلش وياي

قلبي ابطيحتك يبن امك انصاب

عوف الموت حاجيني ..يجسام

يمنزل دمع عيني .. يجسام



__________

درر الـعـراق

قسـم القصـائد ")

1439
:
:

[هيلــه]

في ميزان حسناتك زهراء

[ღ عِشق ღ]

في ميزان حسناتك زهراء

شكراً حبيبتي..نورتي