كلمات قصيدهــ مواكبنـا بنيناهـا / مكتــوبة / قـحـطـان البـديـري
مواكبنه بنيناها .. واحبابك دعيناها
نخدم الزاير يوالي .. لبيك ياحسين
نسهر وياه الليالي .. لبيك ياحسين
مواكبنه بنيناها
ياحسين اعله الدرب ننطي العهد لامانزل
نخدم المشاية بدموع النظر گول وفعل
نبقه وياهم لحد گطع النفس ضل ويه ضل
والمواكب تشهد لآخر صفر لا ما نمل
خدامك ونفتخر يحسين .. نخدم الزاير والملايين
موكبنه يصبح گلب .. الله يا هالدرب
خدامك ونفتخر يحسين
مواكبنه
مواكبنه بنيناها .. واحبابك دعيناها
نخدم الزاير يوالي .. لبيك ياحسين
نسهر وياه الليالي .. لبيك ياحسين
مواكبنه بنيناها
ياحسين وخدمة الزاير شرف منك اله
والمواكب صاحت ابوجهه هله ومية هله
نمسح ادموعه ونمهدله الطريق الكربله
هله بأنصار ابواليمه الكلها غيرة ومرجله
كل المواكب صاحت ابصوت .. وياكم احنه ونبقه للموت
لجلك يهون الصعب .. الله يا هالدرب
كل المواكب
مواكبنه
مواكبنه بنيناها .. واحبابك دعيناها
نخدم الزاير يوالي .. لبيك ياحسين
نسهر وياه الليالي .. لبيك ياحسين
مواكبنه بنيناها
ياحسين ونعلگ الظلمه لجل ضيفك ضوه
ونزرع لجدمه لحد مايوصل لگبرك دوه
انصير نسمة ابرية الزاير لون ضاگ الهوه
صوت كل هاي المواكب ياهله ينادي سوه
اهل المواكب ذوله يبچون .. ايام هاي وتخلص اشلون
الدموع صارت تصب .. الله يا هالدرب
ايام هاي وتخلص اشلون
مواكبنه
مواكبنه بنيناها .. واحبابك دعيناها
نخدم الزاير يوالي .. لبيك ياحسين
نسهر وياه الليالي .. لبيك ياحسين
مواكبنه بنيناها
ياحسين اجمل درب درب المشي بكل العمر
يضوي من زوارك وليل الشته بعيني ضهر
بيت واحد كلها تصبح محله لمتهه العصر
والله والعباس مشايتنه يحسدها بدمع عينه القصر
مشاية ورفعوا راية الدين .. تبقه بضمايرنه يالحسين
بالحسرة لمن تطب .. الله يا هالدرب
تبقه بضمايرنه حسين
مواكبنه بنيناها .. واحبابك دعيناها
نخدم الزاير يوالي .. لبيك ياحسين
نسهر وياه الليالي .. لبيك ياحسين
مواكبنه بنيناها
_____________
( كلمات الشاعر حسين العامري )
_____________
تدوين القصيدة لـ# زهـراء العبيـدي
درر العراق
١٤٣٩ هــ
رد مع اقتباس
المشاركة الأصلية كتبت بواسطة Its Tomy
