حوار الامام القاسم ع مع امه رمله (شمعة حزن)
خيمه عرسي لفيهه**ما مقسوم اطب ليهه**يم گلب الحنين
ساعه وعلرمح راسي**مني تخمد انفاسي**ما يطلع ونين
موش النه الفرح يايمه تدرينه
للخانت عهدهه واحنه ناسينه
حاول من زمن يشطب اسامينه
هيهات ومحمد كلنه نادينه
لازم نرفع الرايه**اندگ بكل شبر ثايه**ما يهمنه الممات
العزه بدمي اخطنهه-**روحي ابجفي اشيلنهه*
ما اريد الحياة
چا شلنه بعمرنه وما نرد الحگ
لهله وبالرماح انروف التشگك
الما ينصر الاهه وگصته ما تعرگ
يتحمل جديد الثوب اذا تلثگ
واحنه الزهره ربتنه**بدر الغيره غذتنه**ما نسكت نگول
للظالم علئ ابوابه**للحگ اهله طلابه**بسيف الحگ نصول
ما اريد العرس زفوني للحومه
شفت ليل الظلام ايچلچل اغيومه
عمي بلا معين وزادت اهمومه
من بعد الكفيل ولحد ايلومه
ظهره بطيحت الرايه**محني وماكو تچايه**من راح الكفيل
ناصر راد ابو اسكينه**يمه ومحد يعينه*وايتامه. بعويل
صيوان العرس يا يمه مو وكته
عمي بهل نوايب والخلگ سكته
وحگ در الرواني وبالمهد ظگته
ماعوف الحسين واحلف ابخته
لازم ابذل اجهودي*خاطر يرظه معبودي*ويستر الحسن
بيه وينرفع راسه*احمل مثل عباسه**كدام الفتن
كلشي بقسمه الله يمه اعذريني
ادري اشگد تعبتي من تربيني
گلتي اباخر ايامي يباريني
گالتله وحياتك يابعد عيني
شفت بعيني دمعتهه*يمه وروحي اذته*عمتك بالخيام
تنعه وتسچب العبره*تندب فاطمه الزهره*من جور اللئام
عرسك عوفه يمه الحومه طالبتك
لولااد. الزچيه. اني. ناذرتك
راويهم مراجل حيدر ابطلتك
وانه اگعد واتاني يلولد جيتك
بدمك حنت اچفوفك*يبني وخاطر اتشوفك. فاطمت البتول
ما اريدك ترد سالم*اسمع يبني يا جاسم*سر گلب الرسول
فاضل الغريباوي
رد مع اقتباس
المشاركة الأصلية كتبت بواسطة яøze "
