سلاسل غيظ
وگيود ومحابر ماي
وقراطيس امنگعة بدم ناس
تراب احمر ..
ورماد وبگايا اشجار
وسواد گلوب لاثگ چم هدم للياس
ونبي مچتوف مات بركضة الوادم
تدور للعطش ناعور
تهومش ع السراب وتنهش المقسوم
جناسي بلا صور تهنة
يرب كلشي شيدلينة
گـلايدهم نذر مكسور
علة شفة كاس ضاع الحيل
نركض والوطن مبيوع
وتشضينة اعلة گاع اچمات
هندس والوكت مبيوگ
شيلمنة المطر زاتوت
وچدنة الوجع حفاي
ندبچ والدمع عنوان
عرفونة علة دبچ الـ اه
ودلونة بصرايف بور
وردينة اعلة ديرتنة
نكاسر بالتراب الغيم
ونچوي الجروح بناي
وشلنة العمر ماشفنة چف افراح
ومناوش حرس
سوط وگلب مخطوف
عشعش بينة خوف من الضحك والراي
وبصمنة بلا وعي متيهين
شگوهه الجناسي ومتنة عطشانين
زهراء الركابي
رد مع اقتباس
