مثل نسمة على چرف الهور
عبرت شوگ الولايات
ضوت عالجبل مشعل
مثل چنح الحمامة الچاي
متعني لـهله ويندل
لوديلك وعد ماينتهي طيبة
كرم من شجرة الصندل
مطر يتمازح وي التل
وطير البر يسلم عليك
هرفية حباري وهدهد مگذل
ومن جان الوكت بي خوف
من جان الجرح يثگل
أمس طيفك يهالخيال
بايت بالسماوة وياي
فرش بعيوني صلى ونام
وبچرف الصُبي غســـل
واذا يتعدل الميزان
يثبت صاحبه معدل
واذا يتبدل المفتاح
قفله وياه يتبدل
بس أنت قفل وأرقام
والمفتاح منه وبي
وأنت المشكلة والحل
يـ وانتَ شلون ؟؟
أول من يوافي وآخر اليردون !
صبيرة وفة بلا ماي ماتبذل
لوافيلك عُمر وأنبعلك بشارة
وأكتبك عالنخل والحابسي مهدل
واذا طاب الجرح ونصير يمتى نصير
واذا طاب الجرح ونصير
واشداد الچرح يفتل
تلگة على الجروح آثار
عن هذا الوطن تسأل
وتلگة على الجروح ارسوم
وشمرسوم ؟؟
بيت وبيرغ على البيت
بي جاكوج والمنچل
بي جاكوج والمنچل
رد مع اقتباس
