هنا

[فقار الكرخي]

الوصیة الحدیثة

من اَموتن...
حرگو جثتي...
او طشو رمادي الصبح وي یوعة الزرزور حنطه
بدل ماتحفرون لحدي...
شتلو نخلة
خاف ماینطي گلبکم
لهناک وتشیعوني تالي
بهداي من تمشون بیه
لا تسحلون برجلکم...
خاف یتاَذه ضرس من الشمس
او لعبة الطفیرة خایف تنمسح
چفنوني بلجراید
بدل چفني اِشروا للاَیتام ثوب
لقنوني شوي ترافه
الزهایمر یذکر سیاج الحدود وبندقیه
بدل متصعدون ملّه
چذب ینعاني ویبچیکم علیه
خل یغني الجمع کلّه
((یا ولدي قد مات شهیداً
من مات فداءَ للمحبوب))
خلو مفتوح الگبر
او رشو جثتي شوي ملح
لا تذوگ مسوخة واویة المگبرة
او بدل ماتزورون سنسول او ضلع وشوي جریدة
زورو اطفال اِبتلو بلسرطان
او عوفو تمر الفاتحه...
صم امل وشوي ضحک فضو علیهم
عله مایحتاج وکتي
لازم اِتطابق وَصیتي
و هاي الوصیة حدیثة
عله صفحات المجازي...
صورة سلفیة تکتبولي تحتهه
حالیاً في المقبرة آنه و جنازه







ميلاد أبوعمران

[سمراء من قوم عيسى]

الله عليك

[فقار الكرخي]

منورة