هنا

[فقار الكرخي]

ناس نظرتهه مگص اعله الگصیبة


مثل کل یوم الشمس راحت بعید
وبشبابیچي الظلام اتبده سکته
لیل متوضي اعله خوفي
لیل متوازي اعله شوگي
والمطرمشتاگ یشرب من کحلتي
ابنیه آنه خایفه ایلطخ عباتي
البنفسج کله نعس
لا نده یروي التراچي
اوماگعدناظم غزالي ایغني بیاع الورد
خننننگه ،خننننگه
الیل یشرب من محطات انتظاري
والدرب گاطع نفس
نامت اعجودالمدینه .....
لیل رایح لیل جاي
اوچم حمامه بلعمودامعلگه
دنیه وسخه .دنیه وسخه
ناس نظرتها مگص اعله الگصیبة
اوماسمعنه منها هلهولة عرس
ناس ضمت كل صوانيهه واغانيهه
اولطخت ليل الشمع
ضيعيتك يا مطر بحلوگهم گطرة نده
دوريت ودوريت ودوريت ومالگيتك







زينب كريم المحمریة

[Suzana]

حلوه القصيدة ..تسلم

[سمراء من قوم عيسى]

عاشت ايدك دوم التألق

[فقار الكرخي]

منورين .