هوسات وابوذيات مكتوبة لعيد الغدير
بصمة الولاية باسم الكربلائي
عرف ذا النون يخلص ..وانتخا بك
يعرفك طه نفسه .. وانت اخا بك
علي انته الخليفة .. وانتخابك
فرض وانه بصمت بثنين اديه
نعم طاهر لبن امي .. ولبناي
لان حبك بده بساسي .. ولبناي
ابيوم المال ماينفع .. ولا ابناي
عدا حبك يحماي الحميه
يروحي من الحزن بسج .. وكيلي
واغرفي بحاصل ذنوبج .. وكيلي
علي يوم الحشر انته .. وكيلي
دخيلك لو عفتني اشلون بيه
:::❤:::❤:::❤:::
كرامه انطاك ربك واضح وتنشاف
وموضع مولدك ما نالته الاشراف
وي بيته فرض تنطاف من ينطاف
الما طافه ما حج البيت
الما طافه ما حج البيت
علي ويه النبوه لازم وملزوم
وعلي ابمعركة خيبر مارجع مهزوم
صقر ما عاف عشه وسكن عش البوم
امغطيهه بجناحه الدنيه
امغطيهه بجناحه الدنيه .....
اقاليم الارض من اجله موجودات
ولجل حيدر علينا السبعه مرفوعات
علي الرايه الترف من طاحت الرايات
مرفوعه ..
مرفوعه وبخيبر ظلت مرفوعه
وبخيبر ظلت مرفوعه
علي من نور وجه انعرف سر النور
وللموته تربته السدر والكافور
علي السان الرساله الماشهد بالزور
قرآنه وآيات الباري ... قرآنه وآيات الباري
||❤||❤||❤||
الابوذيات للشاعر - السيد عبدالخالق المحنة
الهوسات للشاعر - ناظم الحاشي
||❤||❤||❤||
تدوين زهراء العبيدي
درر العراق
1439
رد مع اقتباس
المشاركة الأصلية كتبت بواسطة شممت ثراك
