بعد ماراح اشوفك وانت تدعيلي
ولا تتغزل بصوتي وتفاصيلي
ولا نسهر سوه لحد مانخلص الليل
وتفز الصبح بالشوگ تحچيلي
هو الماخذك مو مايحبك حيل
ليش شويه منك مايبقيلي
وليش الناس ماتعرف تغنيلي
واذا شديت جرحي
شلون اشد حيلي
احبك وانت مامقسوم
لا اعرف شسويلك
ولا اعرف شسويلي
واوعدك لو اگص چفوف
غيرك ما اگود ايده
وحرام ان چان البس لون
غير اللون التريده
واضل انتظرك لحد ما
ملامح وجهي ماتنعرف
من كثر تجاعيده
تعال اگعد مقابيلي
ادري بداخلك ترتاح
من اگبالي تحچيلي
واني اعرف تحس بالويل
گبل ماصيح ياويلي
واريد استوعب الفكره
العلاقه المنتظرها سنين
مرت سالفه وفتره
اريد استوعب الفكره
مصيبه تصير على الخسران
من يحب اليخسره
وحگك صافيه النيه
واحس فارغ مكانك
لو گعدت بيوم ما
بين اهلي عصريه
وحگك صافيه النيه
اعرفك مامطول
بس اچلب بيك
احبك بيه مابيه
احبك مو كلام السان
واحساسي بغيابك چان
مثل احساس بت فقره
اذا عجبتها ترچيه
چانت شوفتك نعمه
وكلامك على الگلب نسمه
چنت اتمنى اضل وياك
بس الدنيا للغشمه
مابين الحزن والاه
ماكاره گبل والله
بس گمت اكره القسمه
واذا حبيت غيرك
وانت ما موجود
ثنين عيون تعميلي!!
مهند العزاوي
اسمعوها بصوته تجرح
رد مع اقتباس
،.
