قصيدة ( الهوا التشتمة مات )
الرادود : سيد سلام الحسيني
للشاعر : أحمد اللامي
الفيديو
كلمات القصيدة
الهوا التشتمه مات
الباقي منك ذكريات
دفنت فاطم بالتراب
و راح ترجع تلگه باب
-------------------------------------
ما نگلك يا علي الباقي بحياتك
بس نگلك الله يحفظ ذكرياتك
من دفن فاطم رجعت بلايه ذاتك
و مشيتك مختلفة ما بيهه ثباتك
وين ذاك الحيل راح
تمشي مكسور الجناح
بعدك بأول مصاب
و راح ترجع تلگ باب
-------------------------------------
الليل من تطفه نجمته يصير ظالم
أبقه يم گبر الزچية جرح نايم
راجع المن و الحياة بلاية فاطم
شلون تگدر من هواك تعيش صايم
علي كلك معجزات
ميت و قيد الحياة
من عذاب ليا عذاب !
وراح ترجع تلگه باب
-------------------------------------
انتهت ندري بحياتك من شفتهه
طايحة و مو انت من طاحت شلتهه
شتحچي وي روحك علي من ودعتهه
الماشلتهه من الهضم هسه دفنتهه
و الدفن بالليل صار
لأن ما عندك نهار
كل ضواك وياهه غاب
و راح ترجع تلگه باب
-------------------------------------
ما تدنينه على جرحك ندري كلفة
ياهو الصابو حرمته و لزم چفه
البيك بيك نموت كلنا و ما نعرفه
جاي تدفن فاطمة و وياهه وسفة
گبل مثلك ياهو شاف
ضلع ينطگ للعفاف
استشهد گبالك حجاب
و راح ترجع تلگه باب
-------------------------------------
راح ترجع تلگه بابك و المصيبة
و ذكريات الصارت لدارك غريبة
هناك دم هنا طفل بدو حليبه
هنا گلب مكسور و مفارگ حبيبة
عتبة صابغهه دماء
و باب جارح كبرياء
و ضلع صايرله جواب
و راح ترجع تلگه باب
-------------------------------------
مستحيل تعوفهه و تهجر گبرهه
تحلمت فاطم توصيك بسترهه
يعني زينب ارجع و طمن خدرهه
الليلة وحشة و بعده ما صاير گمرهه
إرجع و مني السلام
و اعتبر بابك خيام
و النشد يا خدر غاب
راح ترجع تلگه باب
mp3
للتحميل mpe
إضغط هنا
للتحميل mpe
رد مع اقتباس
المشاركة الأصلية كتبت بواسطة اشراقة امل
