هنا

[مصطفى العراب]

شلون ماكو روح ههههه
الانسان بالروح لابالجسد انسان
جدا اخالفك بالرأي .

الروح رأي ديني والعلم اثبت ان ماكو روح

والصراحة احتراماً لعقلي اصدگ بالعلم العملي وماصدگ باقوال انگالت قبل الاف السنين بعصور جان بيهة اغلب البشر كل همهم ياكلون وينامون

[نائل الكناني]

الروح رأي ديني والعلم اثبت ان ماكو روح

والصراحة احتراماً لعقلي اصدگ بالعلم العملي وماصدگ باقوال انگالت قبل الاف السنين بعصور جان بيهة اغلب البشر كل همهم ياكلون وينامون

ياعلم هذا اللي اثبت ماكو روح !
زين سؤال الاحلام شلون تفسرها ! جاوبني على كد فهمك للموضوع

[حازم البغدادي]

الروح مصطلح صاغه الانسان للتعبير عن طاقة الحياة وهي ليست من مختصات الانسان بل تشمل كل الكائنات الحية مع اختلاف الرتب وكما انها تتفاوت بحسب مكونات الكائن البشري وهي بالاصل مادة لانه لا طاقة بدون مادة تحتويها

[مصطفى العراب]

ياعلم هذا اللي اثبت ماكو روح !
زين سؤال الاحلام شلون تفسرها ! جاوبني على كد فهمك للموضوع

العلم نفسه الي كلنا نعرفه

الاحلام ولو هي خارج الموضوع بس حجاوب حسب فهمي

الاحلام تتكون لان العقل يبقى نشط اثناء النوم وهو يعكس صور من الواقع سواء ملاحظهن الشخص او لا ويرتبهن بصورة عشوائية وينتج عنها الشي الي نسمي حلم

لهلسبب غالبا الاشياء الي نفكر بيهة بعمق نشوفها باحلامنا ، مثلا تفقد عزيز وتگعد تفكر بي بحزن واشتاق ومن تنام يجيك بالحلم وتشوفه لان عقلك حتى بعد ما نمت بقة نشط ويفكر بي

مرة من المرات مشغل سورة هود ونايم من وصل للمقطع البي يحجي عن سفينة نوح وابن نوح ولان اني متأثر بقصتهم بوقتها حلمت اني بالسفينة وياهم وشفت الطوفان العظيم هههه وحتى شفت النبي نوح بالصورة الي راسمها عقلي عنه وهو حزين ع ابنه

المهم ملخص الحلم عبارة عن احداث مهتمين او ممهتمين بيهة يرتبها العقل بصورة عشوائية متداخلة فيما بينها ويتكون

حتى بعض العلماء ربطوا كثرة الاحلام بمستوى النشاط العقلي واعتبروا الانسان الي يحلم هواي يمتلك نشاط اعلى من غيره الي احلامه قليلة

[نائل الكناني]

اخي شلون ماكو روح يعني انته مادي لو شنو حتى افتهم زين من تنبز بأبره شلون تحس بالالم ، زين شلون اسري بالرسول ليلة الاسراء غير بروحه لو انته ماتؤمن بهيچ اشياء گلي حتى تتضح عندي صورتك .

[مصطفى العراب]

اخي شلون ماكو روح يعني انته مادي لو شنو حتى افتهم زين من تنبز بأبره شلون تحس بالالم ، زين شلون اسري بالرسول ليلة الاسراء غير بروحه لو انته ماتؤمن بهيچ اشياء گلي حتى تتضح عندي صورتك .

كل شيء يشغل حيز هو مادة

نحس بالالم من ننبز بابرة مثلا لان جسم الانسان بي شبكة معقدة كلش كلها متصلة بالعقل وتنطي شي شبيه بالانذار حتى نحس بمصدر الخطر ونبتعد عنه

اما مسئلة العروج فإنني في شكٍ منه مريب

مو مسئلة ايمان وانكار بس مجرد شك باعتبارهن شي مو منطقي خاصة احنا بعصر الحداثة وكلشي صار يخضع للمنطق

[نائل الكناني]

ها وضحت صورتك عندي مصطفى عموما الله الهادي
تحيتي لك سلام .

[دكتور جميل]

علمياً ماكو شي اسمه روح ، اني توقعت تقصد الشخصية

الي اثبته العلم ان ماكو روح ، والانسان ينولد باجزاء يعتمد بعضها على بعض وتكون هالانسان وغرفة التحكم مثل ما يگولون هي الرأس او تحديداً العقل ، والگلب عضلة تضخ دم لا اكثر

اما الروح فهي شي وهمي من صنع الاديان

الروح ليست وهماً، وليست من صنع الاديان.
فالروح طاقة ولا اظن ان العلماء ينكرون وجود الطاقة، و الطاقة شكل من اشكال المادة ، إذ أن الطاقة= الكتلةx مربع سرعة الضوء
أذكر حادثة لأخي إذ عاد في احد الايام من المدرسة وهو منهك القوى، قال ساصعد وانام في غرفتي ولا اريد احداً ان يزعجني.
بعد مرور ساعتين نزل من غرفته قائلاً لي: ماذا قال لك أبي قبل قليل عندما همس بأذنك؟!
قلت له مستغرباً: كيف عرفت ذلك وانت لم تغادر غرفتك؟
قال: لا ادري ولكني احسست بأني اخرج من جسدي و رأيت نفسي بينكم و رأيت كيف ان ابي الذي يحبني تجاهلني تماماً و دنى اليك و همس بأذنك.

[Mohammed K.F]

مصطفى العراب ممكن مصادرك العلمية التي تثبت ان الروح وهم؟

[بـشــــار]

علمياً ماكو شي اسمه روح ، اني توقعت تقصد الشخصية

الي اثبته العلم ان ماكو روح ، والانسان ينولد باجزاء يعتمد بعضها على بعض وتكون هالانسان وغرفة التحكم مثل ما يگولون هي الرأس او تحديداً العقل ، والگلب عضلة تضخ دم لا اكثر

اما الروح فهي شي وهمي من صنع الاديان

مصطفى حبيبي
مقتنع برأيك؟
عوفك من الاديان
سؤالي هو الاتي
الشخص الصاحي من يموت
ليش يموت كله مو نصه؟
جاوبني