هنا

[فقار الكرخي]

ليل باب
اتسركه بضنون الضماير
وانفتح بيبان بجفوف الصبح
ديم غافي وندهته جفوف الفلح
غبشه مخنوكه بصبحها
وينعدم عصفور لو غنى الصبح
الماي يمشي بسمع كل عطشان هلهولة عرس
الليل خلص عمره بذيال الشمس
باتت النجمه تلولي
مات دجله وهاي اليه سنين ماشايف كمر
زواكة الجرفين دم
ياجرف دم الشمس
روحي عطشانه ولامنك كمر
الليل يظفرنه كصيبه انفلت بصايح شمس
يكبر السلطان طوله ويعبر بدمنه رصاصه
والجدايل ضمت الحنه بشرفهه وناطرت يكبر ذنبهه
والشمس يوميه تشرب منه فيّ
طاحت الصفنه قصيده
يّزغر ايشان الصبر كثر العذاب
واسمع السلطان يصرخ ماافوت !
منين افوت؟
منين افوت؟
واكفه كبالي قصيده
بركضه منه الناس سوره التفت بدمها التطلبه
وعطلت ركضه صفنته وطاح هيمه تلفت ومالاكي دربه
وكبرت السكته سوالف تايهين
وسدوا عيون الفرات ودجله مات وشيعه بجفه السموم







حسن زايد

[سمراء من قوم عيسى]

رائع

[ازدهار]

حلوووو
يسلموووو
ودي
.
.