(((چلمت هیل))))
یا لذت غنه السبعین
ردلی وخل اردن طین
ردلی وخل نفرچ الگاع وانموت الهه چم تله!!
واخنگنی الضفیره التختنگ تحله !
یچلمت هیل أنه امتانیک تطلع یمته للشمه؟؟؟
وچم مره اختمت قرآن بس حبک صعب ختمه !
منتظرک و اون بهدای بعله الصوت
یلضلک تلفله انگاب من اتفوت
أمد ایدی اعله یاوجهک ؟؟ وهن کثره
ی لتمکیج ابوجهک دوم مکیج نیتک السمره
(شفه الماهی للمحبوب ماتستاهل الحمره)
یلمجافینی ردلی ارجوک وانته اتعرف المجافی
(ابحظن شفته جگارا اتنام وایغنی ابغنه اعبادی)
وایلملم ضحک ملگه
وایکتر اسنین و حیل للشبگه
وایلملم نفس للجای خاطر من یحن للفات یخسف صدره بلشهگه
های احوالی من امشیت متگشر وصایر لب
ظیمی اتگول ابو المکتول وابنه الثانی المذنب
ظهری امحودب ابفرگاک چن بی جاهل امچلب
یعایفنی ومشیت الناس (بس اهدوم )ماعدهم اشوی احساس
یشجره وصرت بلبل لیک من چانت الوادم فاس
وین انساک؟؟؟
یسالوفت حلگ شیاب ماینمل ذچر طرواک
أنه اتمنیت مو وجهی أدیه ایصیرن ابمگفاک
وانته ابظهری تحچی اهوای عود ( اهوای ) وانته اتدور اعیوبی
ورای احچی اشکثر مابیک گاعد تمحی بذنوبی
خاطر من اموت (انسان)
مو واحد یلم احروف من اسمک یفصلهن هدم حیطان
....فهدابوسیف الحیدری
رد مع اقتباس
