لا تحبنـي..
الدنيـا ماخلتلـي واهــس
وإرجـع اهـوى..
الدنيا كسرتني
بـ شكو ابنـادم گلت بس هو يسوه ..
لا تحبنــي..
الدنيا اخذت حيف
كل ضحكة عشتها ولحظه حلوه..
لا تحبني..
مو بعازة لچمة
تدري..؟
جـروحي متـهيــدات گوه..
و (اني من اخر جرح عاهدت روحـي)
وگلت أقوه..
شلون اذا حبيتك اقوه؟
وتـدري مـلـح الحـب عذابـه!؟
واني ادري بروحي لمن ..اعشگ اضعف
بالرغــم عشگي بصلابــه
و خاف احبك..
خاف احسبنك وطن
وگليـبك يـسـد عـنـي بابــه
وانـي مو ذاك الگبل
يسـتقـبــل الـ لچمة برحابــه
لا تحبنــي
و هسسه اچذب لـو گلتلك اني اودك
لا تحبني
انى ما اضمنلك
بسسد مايي راح يعيش وردك..
لا ولا اضمن دمعتك
ما تضل ليلية تتبده اعلى خدك..
ما اريد بيوم اخسرك..
لا تحبني ..
هو بس أنت.!
السـند ضليـت اليـه
تخيـل اتبده وچفـوفـك
ما تلمني ..
و حتى اذا مشتري جروحك!
والهوى يجبرك تجازف .... مااريدك
مااريدنك.! لأن فعلا تهمني..
اني افهمك..
(إنــت راضــي)
بنرجسيتي
وشكي
وإسلوبـي المـزاجـي
وإنــي مــا راضــي بـأذيتــك..
تفتهمني؟
وخاف باچر
تكبر بروحك معـزتي
واجـفـي وابـلا ســبب عـنـك..
لا تذمني..
ماني من أول گتلك لاتحبني..
منقول
رد مع اقتباس
