هنا

[نغمة على وتر♫]

مرحباً:
بعض الصديقات اعتبرن المهر مجرد سعر لشراء الفتاة، والحقيقة ليس هو بذاك، فالمهر كما قالت جنّات وزينب تحضير للحياة الجديدة، فالرجل حينما يدفع مهر يجب أن ينفق المال المدفوع على شراء ذهب للعروس (نيشان كما يسمى في العراق) وكذلك أثاث غرفة النوم أو البيت ان كان سيعيش في بيت مستقل وثمن استئجار بدلة العرس أو شراءها واستئجار القاعة لإقامة حفلة الزفاف وشراء مواد وملابس للعروس فأين شراء البنت؟ هل أعطى نقود لأهل البنت وأخذها منهم دون أن يشتري أي شيء مما ذكرته سابقاً؟
أما عن كون ارتفاع المهور سبباً في عزوف الشباب عن الزواج فهو أحد الأسباب ليس السبب الوحيد، فهناك انعدام العمل لدى الشاب أو قلة الدخل الوارد منه، أيضاً الطلبات الأخرى التي يطلبها أهل البنت من غير المهر كضرورة السكن في بيت وحدها ويجب أن يكون من بني فُلان أو يمتلك كذا وكذا أو اكمال دراستها و.....
سبب آخر مهم جداً لعل الكثير منا لم يلحظه هو فوبيا الطلاق، كثير من البنات وحتى الشباب عازفون عن الزواج بسبب ما يسمعونه من كثرة حوادث الطلاق والمشاكل الزوجية.
ناهيك عن الخوف من الوضع المنهار للدولة على الصعيد الأمني والاقتصادي وكافة الصُعُد والرهبة من المستقبل المجهول الذي قد يهدد العراق.
أخيراً هناك سبب آخر يخص فئة معينة هم المعاقين أو ذوي الاحتياجات الخاصة، فالكثير من البنات السليمات يرفضن الزواج من ذي احتياج خاص وإن كان يملك عمل يكفي لتعيش حياتها وحية أولادهما القادمين برفاهية ويُسر، ولو ذهبنا الى البنت المعاقة أو ذات الاحتياج الخاص لوجدنا أن بنت واحدة من بين 50 إن لم يكن 100 بنت تتزوج بسبب رفض الشباب الزواج من هذه الفئة من البنات.
بالعودة الى المهر أرى أن 7 ملايين تكفي لمهر معتدل شخصياً أعرف ناس تزوجو ب5 ملايين.
صحيح بنات بغداد يطلبن مهر شوية عالي أكثرهن 10 وفوك ولو أكو أقل بس هذا السائد، بعض المحافظات مثل بغداد خصوصاً كربلاء هم سمعت يطلبون مهور عالية شوية بس مو بكد بغداد ولا مثل الامتيازات اللي للأسف صارت مطلوبة ببغداد

اني وياك هو سبب من عدة اسباب والله اني عن نفسي ذهبي كلف 3ملايين والحمدلله بمرور الايام كدر يعوضني بهدايا وهالسوالف
يعني الي اريد اوصله ترى الراحه والاستقرار مو بمقدار المهر اهم شي يكون اخلاق ويخاف الله بيج وعنده ثقه بيج ومو بخيل
نورتني يا راقي

[نغمة على وتر♫]

يعني الغرب
مجرد هو حب حبيبته
قدم الها خاتم الزواج وطارت من الفرح وعاشو عيشة سعيدة
مجتمع التخلف مجتمعنا كلشي بي متناقض
اهل البنية عبالك بنته سياره ويعامل بيها
ام البنية عبالك مديرة صندوق البنك الدولي
احنا رابطين كلشي بالفلوس والفيكات الي ماالها داعي
ترا بنتكم انسانة الي خلقها خلق مليار غيرها
واني واثق ومتاكد اغلب العانسات اليوم سببهم اهلهم
كم وحدة تحب ترتبط بشخص بس لانه فقير ميكدر يتقدملها لان حضرات اهلها يدورون شي يسولفون عنه
اني ك انسان عندي خوات
الي يجي يدك بابنا ويطلب اختي مراح اباوع ع العندة
اباوع على ثقافته شخصيته واهم شي احس يكدر يعيشها عيشة كريمة
مراح اكلة مهر 50 وماادري شنو
بعدين يااهل الولد والبنية
ترا مو انتو المتزوجين
هم الي يتزوجون عوفوهم يشترون يسافرون يقررون الي يريدوا..
يعني انقهر اشوف حالات كدامي لشباب ميكدرون يتقدمون بس لان حالته ضعيفة ومن تكلة اساعدك ميرضى لان عنده عزة نفس..
المهم كمت اعتبر جريمة اناقش مواضيع متعلقة بمجتمعنا
لان مجتمعنا مريض بكلشي بكلشي وحتى الاختلاف بي مختلف على نفسه..
وبس....

والله صدك اغلب حالات العنوسة من ورى ان بعض البنات ميريدن يرتبطن بواحد فقير واكو حاله اخرى اذا هنه عدهن شهادة لازم هو هم عنده شهادة
ترى مو كلشي شهادة وفلوس ابددددد ياما ناس عدهم فلوس وابد ممرتاحين والعكس صحيح
ويبقى كل شي قسمه وبيد الله وشكاتبلنه نشوفه
نورتني بشار

[ايليتا]

اهم شي ان يكون هو جايبه من تعبه حتى يحس بقيمة الانسانه الي يرتبط بيها ... مو مهم المهر المهم منو جايبه ؟ شنو مسوين لمة العشيرة حتى بس يزوج حضرته ! بعدين يدور وجهه ويبحث عن نفسه بعد ما يزوج ويورط بنت الحلال الي أخذوها اله حتى يعقل ...مو تتقشمرون وتزوجون خرط لتعرسون احسن خطية ترة اليزوج بهالوكت كولشي ينراد منه .. الي عنده عمل خلي يتقدم على هاي الخطوة
شرط الأساس مو المهر يحظي اهم شي رجال قادر على فتح بيت ومصرف عيال.. هاي نظريتي لان لا قطع الذهب ولا قطع الاثاث ولا الملابس راح تكعد بخت العروس لا ما يعيب الرجال غير جيبه...... هل مرة تكلمت جلفي بعيدا عن حوارات اللغة حتى الكلام يدك بالعظم مباشر.. عذرا للاطاله

[نغمة على وتر♫]

اتكلم عن نفسي ومحيط مجتمعي
احنه ما ننطي مهر مادي ، المقدم قرآن و المؤخر حج بيت الله
هذا الشيء ينطبق على الولد و البنية لان نعتبر بيها اهانة اذا صارت بيها (عملة ع الفلوس)
لكن سبب العزوف الحقيقي في نظري هو انعدام المسؤولية و التفكير في تكاليف ما بعد الزواج من مصاريف ولادة و مصاريف دراسة للاطفال ، طبعاً لو قارنا هذه المصاريف بـ المهر تطلع البطانة اغلى من الوجه ، و كذلك عدم توفر فرص العمل للشباب ، بحيث تخليه من الصعب ان يفكر يرتبط بعلاقة و يورط بنات العالم وياه ، وهذا الامر هو شيء طبيعي في شعوب العالم الثالث لان ماعدنه اي ضمان للحياة الكريمة


تحياتي الك وشكراً على الموضوع

صح لسانك
واهم نقطة كلتها العمل وللاسف بالعراق خاصة شغل ماكو وين الشباب تنطي وجها مااعرف ربي يساعدهم
ومنورررني

[نغمة على وتر♫]

اهم شي ان يكون هو جايبه من تعبه حتى يحس بقيمة الانسانه الي يرتبط بيها ... مو مهم المهر المهم منو جايبه ؟ شنو مسوين لمة العشيرة حتى بس يزوج حضرته ! بعدين يدور وجهه ويبحث عن نفسه بعد ما يزوج ويورط بنت الحلال الي أخذوها اله حتى يعقل ...مو تتقشمرون وتزوجون خرط لتعرسون احسن خطية ترة اليزوج بهالوكت كولشي ينراد منه .. الي عنده عمل خلي يتقدم على هاي الخطوة
شرط الأساس مو المهر يحظي اهم شي رجال قادر على فتح بيت ومصرف عيال.. هاي نظريتي لان لا قطع الذهب ولا قطع الاثاث ولا الملابس راح تكعد بخت العروس لا ما يعيب الرجال غير جيبه...... هل مرة تكلمت جلفي بعيدا عن حوارات اللغة حتى الكلام يدك بالعظم مباشر.. عذرا للاطاله

والله كلامج صح
خاصة نقطة اذا مو هو مو كد الزواج شعنده متقدم ومعذب بنات العالم وياه
صح لسانج عمري نورتيني جدا

[Laraa]

فعلا مثل مكلتي اكو بعض الاشخاص يفكرون ورى الزواج شلون هيعيشون ويتحملون مسؤوليه جبيره
بس مننكر ان هناك نسبه كبيره منهم يرفضون الزواج بسبب التكاليف
ومنورتني

اللي صعب عليه يدفع مهر أو ينتظر يتساهلون أهل البنت ( يعني يعامل )
الافضل ان يؤجل مشروع الزواج
لان الزواج مو لعبة ولا فيلم درامي او رومانسي
الزواج حياة والحياة صعبة

[Aabdullah]

المهر وتكاليف الزواج من المعرقلات وبلا شك من الاسباب الي تأخر وتمنع كثيرين من الزواج

قبل ايام رجل خمسيني وهو صاحب محل ودار الحديث عن الزواج اثناء انتظاري لوصول طلبية كنت محتاجها للشركة فحتى لا اشعر بالملل گام يسولفلي عن الزواج
يقول اتفقت مع اشخاص ثقاة من سوريا وحصلت بنت جميلة وبنت عائلة سورية لأبني وانا همين بس ازوج ابني .. اعرف طبيبة سورية راح اتزوجها .. فتعجبت بصراحة كلته حجي ليش بالعراق قليلة النسوان حتى تجيب من سوريا
گال الزواج هنا يكلفني اكثر من ١٥ مليون وغير شلعان الگلب بعد الزواج والطلبات الي مالها معنى وووو اشتكى هواي من موضوع المصاريف وصالون لأم العروس واخت العروس ويوم حنة المهم هو حاسب التكلفة تصير ١٥ مليون
بينما اذا يتزوجون من سوريا ما راح يصرف ربع المبلغ ويجيب عروسة أجمل وكان الله يحب المحسنين

شكرا نغمة

[ثامر الحلي]

البنية (المؤدبة) ماتتعادل بالذهب مو بخمسة وعشرة وعشرين وكل كلمة طيبة وتشجيع ودعاء ومؤازرة واخلاص لزوجها تساوي مال الدنيا ..
أصدقائي .. نصيحة مني لكم، انته اختاريت بنت (مؤدبة) وكل الوقائع تشير بأنه هي راح تصير شريكة حياتك المستقبلية نصيحتي أن لاتضيع هذه الجوهرة الثمينة وبدون مبالغة،
مثلاً والامثال تضرب ولاتقاس اذا واحد عرض عليك ماسه ثمينة سعرها مليون دولار وگلك انطيني عشرين الف بس وانته ماعندك هذا المبلغ شراح تسوي تخللي الفرصة تفوتك وتگعد تتفرج لو تروح تدبر المبلغ على مود تقتني الماسه .
هاي شريكة حياة عزيزي مهما يطلبون الأهل انت حاول أن تجتهد من أجل زوجتك واسعادها وبالمقابل انت راح تكون حياتك عبارة عن قطعة سعادة .
ملاحظة / البنت (المؤدبة) كالآتي :
1. تحافظ على أسرارك ولاتنقلها لبيت أهلها مهما كان صغيراً أم كبيراً. أعتقد هذه الصفة يمتلكها الرجل بالذات لأنه يعتبر الزوجة عرضه وتمثل شخصيته بينما العكس هو الصحيح الا من رحم ربي.
2. أن تكون الزوجة أم وبنت وصديقة لزوجها بنفس الوقت.
3. أن لاتجرح مشاعره بكلمة أو حركة أو تصرف أرعن وتكون (مثل شعرة معاوية) ان شد هو ترخي حبالها وان هو ارخى تشد لتخلق التوازن في الحياة الأسرية.
4. من يتكلم عنك بسوء ستشعر بأن الاهانة موجهة اليها وتدافع عنك للأخير .
5. قوية وشجاعة وتتخلى عن الجميع مقابل زوجها مهما كانت الأثمان وتخطط معه وتشترك معه في المحن والاحزان والمواقف وان تجعل له اعتباراً بغيابه او حضوره.
6. عين الرجل ميزانه في كل مايرفع أو يهبط الزوجة من قدرها واحترامها فعليها أن تنتبه الى تصرفاتها وأن تتخيل نفسها هي الملكة التي لايمكن أن تصدر منها أخطاء أو هفوات.

ملاحظة / زبونات المولات وعاشقات الموظات والستايلات والبوتي فور ومراكز التجميل والمساجات و(الدليفيري) وزي الوان والأم بي سي فور و الكوفيهات غير صالحات للزواج اطلاقاً
وعذراً منكم ان اخطأت أو أصبت
وشكراً

[Claudius]

متابع..

[Gardi]

متابعة بصمت