حقي و بعدين اهل منين تجيب؟
حقي و بعدين اهل منين تجيب؟
هذا كلام ما مقنع ... لعد جيل الرجال مال سبعينات وستينيات وثمانينات وهسه مال تسعينات كلهم غير صالحين منً زمن بيبيتي لحد الان شلع قلع .. وان صدف ووجدانهم .. فتلكاهم اصحاب الغيرة التحقوا بمسيرة الشهداء .. والباقين عطالة بطالة شغلتهم نت وريال وبرشلونة.. يدافع عنها اكثر من حقه بالنفط.. مجرد رأيالمشاركة الأصلية كتبت بواسطة the investigator
على كلامك ثلاث أرباع بنات العراق غير صالحات للزواج خصوصاً جيل التسعينات وانت جاي لأن ربهن النت والتلفزيون والتبذير بالمولات والأسواق و......الّا القليلات بيهن صلاحية للزواج لأن ما عدهن هالتبذير هههههه
فعلا والله نورتني
ست الله يخليج هو العمر كم سنة بي؟ يعني مامعقولة تجبر البنت ترتبط بانسان مامنسجمه وياه وتخليهه تعاني الأمرينإنا اتفق معك استاذنا
واكول للرجل تشوف نفسك كدها تزوج ... لا متكدر اكعد يم امك نصيحتي ترة البنات بالهزمن تفكيرهن تغير متنورة كولشي تفتهم وتعرف ومثقفة بس الظلم مرات يجي من الاهل من سوء اختيارهم يظلون يثقفون بالبنت ويكبر رأسها بعدين يزوجوها لانسان اقل منها تفكير وقصدي مو بالشهادة أبداً اقصد ثقافة فكر وحوار وتربية واحترام متبادل و تبادل آراء وحل الامور بصمت هيجً اقصد ياما دكاترة بيتهم الكصاب احسن منهم
والزوج كذلك ليش انته قابل شعندك غير شريكة عمرك على مود تبخل تسمعهه كلام حلو لو تحققلهه أمنياتهه بالمعقول ومنو راح يبقه يمك غيرهه ويتحملك ويتحمل اطفالك ، الزوجة گلبهه طيب بكلمتين حب تقتنع كيف اذا كل شهر تجيبلهه هدية متواضعة وتبوس راسهه اكيد راح تحس بالرضى وتنسه سلبياتك.
والأهم خلي الرجال يحافظ على شخصيته أمام زوجته حتى تفتخر بي ويحترم وجودهه مو يخابر وكذا ويشرب وبخيل ويعاملهه كجاريه
منو كال لا؟ هم نص الشباب اذا مو ثلاث ارباعهم ما صالحين للزواج لأن هم ربهم النت والريال والبرشا والشخابيط الفارغة، للعلم هذا مو رأيي الشخصي بالبنات لكن دا أحلل ملاحظة استاذ ثامر، لكن من وجهة نظري البنت والولد اللي ميلتهون بالانترنت ولا يبذرون بالأسواق والمولات هذولة فعلاً ناضجين الباقين مو ناضجين لكن مو معناه غير صالحين للزواج بس يحتاجلهم شوية توعية بحجم مسؤولية اللي يتزوج
استاذ ثامر وَيَا منو تحجي بهذا الوكت ترة الرجل عمره ميشوف نفسه على خطأ.. وممكن يكون صائم مصلي قارئ قرأن لكن ماعنده حياة اجتماعية متوحد وكئيب بطباعه ولا يحاول تغيير نفسيته من اجل بيته واولاده وتلكه عنده الزوجة صالحة والاولاد وسيارة وشقة لكن ما عندة الشعور بالحياة دائما منطوي ويشيل هم غيره.. وميغير شي بحياته متدري هاي انهزام من المجتمع مدري بعده مو مال زواج .. هيج اقصد مرات تلكه انسان مسوي بلاوي الدنيه بس من يتزوج ويستقر يكون احرص الناس على الحفاظ على بيته مو قياس والامثال تضرب ولا تقاس شكرا لكل الاّراء
احسنت وهذا ما قصدته.. التوعية .. لازم يكون عنده وعي بحجم المسؤولية التي تقع على عاتقه
يمكن لهذا السبب الكثير يعزف عن الزواج لعلمه بعدم قدرته على تحمل المسؤولية او تكوين أسرة بهيج ظروف بلدنا .. باختصار نلف وندور نجد كم هو سهل وصعب لكن هناك حل دائما اختار ام لأطفالك مو لعابة باربي تتباها بيها كدام الناس احنه مو اتراك خاصة تفكير هذا الجيل.. او ياخذها عدها راتب اذا اكبر بالسن لان يعتبر ضمانه تقاعد اله.. او اكبر منها وكثير كثير..
استاذ حسن انته محامي وتعرف احصائيات حالات الطلاق بسنة 2017 سجلت (75 الف) حالة طلاق اذا مو اكثر واكو بيهم صارلهم شهر واحد ياترى شنو الاسباب ..على كلامك ثلاث أرباع بنات العراق غير صالحات للزواج خصوصاً جيل التسعينات وانت جاي لأن ربهن النت والتلفزيون والتبذير بالمولات والأسواق و......
السبب الأول بسبب الشبكة العنكبوتية والاتصالات وانعدام الثقة بين الزوجين ، والسبب الثاني مشاكل مادية لأن باربي (مبوزة) على الولد تريده يعوف شغله ويفتر بيهه وكل فره علاكه ام 50 الف دينار ويضطر الولد يروح يداين وينطلب على مود يرضي غرورهه ورا مايكعد على الحديدة تعوفه وتروح تكعد يم اهلهه وهذا يروح يصير عصابجي
اغلب حالات الاجرام والسرقة والاحتيال سببهه الأول والأخير متطلبات الزوجة الماتنتهي تريد تخلص من ضيم الأهل وتدخل فردوس الزوجية اللي هيه مفكره بيهه سابقا ان الزوج مجرد البنك المركزي العراقي وممنوع أن يكول ماعندي وياريت على شغله تستاهل مثلا تشجعه يسويله مشروع او تبتكر حلول مستقبلية تروح تصرف مبالغ هائلة على الملابس والكوافير لغرض التباهي وحتى العيد ينگلب على الرجال عزه أسود كل عيد لازم تخصصلهه ميزانية وزارة على مود تضحك بوجهك عدا كل يومين ورايحة لزفة وحده من اخواتهه لو بنات خالتهه ولازم تتشيك يعني يازواج هذا الخاطر الله ، هذا انتقام واضح ولامبالاة وعدم اهتمام ولذلك الافضل أن الرجل يحسن الاختيار قبل مايجيب الامراض والمشاكل اللي تحطم مستقبله
يعني اذا مهرها قليل اككو احتمال بسهولة يطلكها !!!
لا كلمن يتعامل بأخلاقه
والمهر يكون باتفاق الطرفين افضل
بعدين تكاليف الزواج ما الها علاقة بعزوف الشباب عنه
لان الشاب ميزوج الا اذا (عنده فلوس ) غير هذا السبب حتى الحب ميفكر بي
بس اذا جيبه مليان يفتح الباب لاحاسيسه ومشاعرة و للاعجاب والحب
رد مع اقتباس