هنا

[نغمة على وتر♫]

كرأي شخصي انا ضد مبدأ المهر تماماً
لكن اذا اردنا ان نتحدث عن واقع حال مجتمع
اغلب العوائل حالياً يكتبون المهر عشرة مليون نتيجة الوضع الاقتصادي
واسعار السلع اعتقد عشر ملايين مبلغ تافه جداً
لكن كون ان فرص العمل قليلة لذلك يعتبر هذا المبلغ كبير
عموماً أعتقد مو المهر هو سبب عزوف الشباب عن الزواج لان الاهم من المهر هو العيشة بعد الزواج حتى لو كان المهر قليل كون حالة الشاب ضعيفة فهذا الشاب كيف راح يفتح بيت ويكون مسؤول عن تلبية متطلباته

تحياتي

فعلا مثل مكلتي اكو بعض الاشخاص يفكرون ورى الزواج شلون هيعيشون ويتحملون مسؤوليه جبيره
بس مننكر ان هناك نسبه كبيره منهم يرفضون الزواج بسبب التكاليف
ومنورتني

[نغمة على وتر♫]

المهر مو علمية بيع وشراء نهائي ،
الهدف منه هو التحضير لحياة جديدة للبنت ، مثلا هسه الشخص لمن يسافر لدولة غير دولته ، ميروح يشتري اشياء جديدة ويسوي تحضيرات ويصرف عالمود يتجهز ويطلع بمنظر لطيف بالمكان الجديد الي رايحلة ؟
أو مثلا اشتريت بيت وتريد تگعد بي مو تصرف علي وتجهزة وانو يطلع بمنظر لطيف عالمود تگدر تگعد بي لانو هالبيت جديد والازم يكون شكلة مناسب عالمود الي يجيك انت تكشخ بي ،

..
تقريبا المهر هيج ، يعني كلشي راح ينصرف تجهيزات وتحضيرات ، خو ما تجيك بخلاجينها القديمه ،
وما تگعدها بغرفة مابيها غير جرباية ام النفر ،لازم غرفة جديدة تليق بحياة جديدة ، والذهب والفستان كذالك كلها مجرد تحضيرات للحفلة ، المهر مراح تاخذ البنت الها وتخزنه بالتالي كله يرجع لزوج بأعتبارة صار مسؤل عنها
..

ولاحظت ان بعض البنات كاتبات الماشي 10 ملاين ، مو بكل مكان بالله هسه يمنا خمسه واذا كلش غالي سبعه ،
..
اما الي تشوف نفسها بغلات مهرها وتطلب مبلغ مبالغ بي فهاي تفكيرها محدود .

يعني العزوف عن الزواج من سببه المهر

مادري گدرتو تفهمون قصدي واذا اكو سحگات غلسو

هههههه حبيبتي فهمت قصدج ووياج اني بس اكووو عوائل تطلب مهر خيالي وذهب كووومه خاصة يمنه بكركوك يعني الذهب الكومه عدهم شي ضروري
مو اكو ماعدهم منين يجيبون بله ههههههههههههه
منورتني وغلست على السحكات

[نغمة على وتر♫]

بالنسبة للزواج أو للعزوبية ، دعوا الإنسان يُقرر الطريقة التي سوف يندم عليها .

ههههههههههههههههههههههههه هههههههه كله ندم

[نغمة على وتر♫]

المهر الـه تصنيفات
اكو ناس يطلبون مهر عالي
واكو متوسط
واكو حتى بدون مهر

ولشاب اذا يريد يزوج ما توكَف بطريقة لفلوس
بس اذا هوا مثل (لؤي الساهي) عليش مزوج
24 ساعة ونسات وطلعات وكل يوم بمكان
ميحتاج يربط نفسة بـ زوجة " *.*
وهسه ماشاءالله كَولها ءدور راحت بال
فـ المهر ماله أي علاقة بـالعزوبة

اكيد وجهة نظر احترمها
هههههههههههههه وربي لو اني ولد ماازوج
بس المن تحجين
منورتني

[نغمة على وتر♫]

هل هي السبب الرئيسي ف عزوف الشباب عن الزواج؟
بشكل عام نعم الرئيسي هو هذا
بالاضافة لعدة اسباب اخرى منها ارتفاع اسعار البيوت وغلاء المعيشه والوضع الامني والخدمي المتدهور بالبلد ووو والحمد لله على كل حال من الاحوال .
تحيتي .

تسلم على وجهة نظرك المحترمة
ومنورني ومثل مكلت هي سبب من اسباب عدة
نوررتني

[أزرق']

ما أعتقد هذه سبب رئيسي ، أنما هو جزء من عدة أسباب أخرى ، مثلا المعيشة بعد الزواج ، السكن ، وأذا صار عندك طفل شلون تتكفل بمصاريفه وعلاجاته بهذه الوسط اللي ما يوفر شغل ، وحتى إذا وفر ما تكون اله قيمة حتى يرتاح الفرد ويعيش برفاهية لذالك يضل طول عمره ( يسحك وما يلحك) واكو كثير من الأسباب تشكل بمجموعها مسبب رئيسي للعزوف عن الزواج اصور كلنا لامسينها على أرض الواقع_^

شكرا بياض الثلج^_^

[د. حسن سعيد]

مرحباً:
بعض الصديقات اعتبرن المهر مجرد سعر لشراء الفتاة، والحقيقة ليس هو بذاك، فالمهر كما قالت جنّات وزينب تحضير للحياة الجديدة، فالرجل حينما يدفع مهر يجب أن ينفق المال المدفوع على شراء ذهب للعروس (نيشان كما يسمى في العراق) وكذلك أثاث غرفة النوم أو البيت ان كان سيعيش في بيت مستقل وثمن استئجار بدلة العرس أو شراءها واستئجار القاعة لإقامة حفلة الزفاف وشراء مواد وملابس للعروس فأين شراء البنت؟ هل أعطى نقود لأهل البنت وأخذها منهم دون أن يشتري أي شيء مما ذكرته سابقاً؟
أما عن كون ارتفاع المهور سبباً في عزوف الشباب عن الزواج فهو أحد الأسباب ليس السبب الوحيد، فهناك انعدام العمل لدى الشاب أو قلة الدخل الوارد منه، أيضاً الطلبات الأخرى التي يطلبها أهل البنت من غير المهر كضرورة السكن في بيت وحدها ويجب أن يكون من بني فُلان أو يمتلك كذا وكذا أو اكمال دراستها و.....
سبب آخر مهم جداً لعل الكثير منا لم يلحظه هو فوبيا الطلاق، كثير من البنات وحتى الشباب عازفون عن الزواج بسبب ما يسمعونه من كثرة حوادث الطلاق والمشاكل الزوجية.
ناهيك عن الخوف من الوضع المنهار للدولة على الصعيد الأمني والاقتصادي وكافة الصُعُد والرهبة من المستقبل المجهول الذي قد يهدد العراق.
أخيراً هناك سبب آخر يخص فئة معينة هم المعاقين أو ذوي الاحتياجات الخاصة، فالكثير من البنات السليمات يرفضن الزواج من ذي احتياج خاص وإن كان يملك عمل يكفي لتعيش حياتها وحية أولادهما القادمين برفاهية ويُسر، ولو ذهبنا الى البنت المعاقة أو ذات الاحتياج الخاص لوجدنا أن بنت واحدة من بين 50 إن لم يكن 100 بنت تتزوج بسبب رفض الشباب الزواج من هذه الفئة من البنات.
بالعودة الى المهر أرى أن 7 ملايين تكفي لمهر معتدل شخصياً أعرف ناس تزوجو ب5 ملايين.
صحيح بنات بغداد يطلبن مهر شوية عالي أكثرهن 10 وفوك ولو أكو أقل بس هذا السائد، بعض المحافظات مثل بغداد خصوصاً كربلاء هم سمعت يطلبون مهور عالية شوية بس مو بكد بغداد ولا مثل الامتيازات اللي للأسف صارت مطلوبة ببغداد

[بـشــــار]

يعني الغرب
مجرد هو حب حبيبته
قدم الها خاتم الزواج وطارت من الفرح وعاشو عيشة سعيدة
مجتمع التخلف مجتمعنا كلشي بي متناقض
اهل البنية عبالك بنته سياره ويعامل بيها
ام البنية عبالك مديرة صندوق البنك الدولي
احنا رابطين كلشي بالفلوس والفيكات الي ماالها داعي
ترا بنتكم انسانة الي خلقها خلق مليار غيرها
واني واثق ومتاكد اغلب العانسات اليوم سببهم اهلهم
كم وحدة تحب ترتبط بشخص بس لانه فقير ميكدر يتقدملها لان حضرات اهلها يدورون شي يسولفون عنه
اني ك انسان عندي خوات
الي يجي يدك بابنا ويطلب اختي مراح اباوع ع العندة
اباوع على ثقافته شخصيته واهم شي احس يكدر يعيشها عيشة كريمة
مراح اكلة مهر 50 وماادري شنو
بعدين يااهل الولد والبنية
ترا مو انتو المتزوجين
هم الي يتزوجون عوفوهم يشترون يسافرون يقررون الي يريدوا..
يعني انقهر اشوف حالات كدامي لشباب ميكدرون يتقدمون بس لان حالته ضعيفة ومن تكلة اساعدك ميرضى لان عنده عزة نفس..
المهم كمت اعتبر جريمة اناقش مواضيع متعلقة بمجتمعنا
لان مجتمعنا مريض بكلشي بكلشي وحتى الاختلاف بي مختلف على نفسه..
وبس....

[انسان ثاني]

اتكلم عن نفسي ومحيط مجتمعي
احنه ما ننطي مهر مادي ، المقدم قرآن و المؤخر حج بيت الله
هذا الشيء ينطبق على الولد و البنية لان نعتبر بيها اهانة اذا صارت بيها (عملة ع الفلوس)
لكن سبب العزوف الحقيقي في نظري هو انعدام المسؤولية و التفكير في تكاليف ما بعد الزواج من مصاريف ولادة و مصاريف دراسة للاطفال ، طبعاً لو قارنا هذه المصاريف بـ المهر تطلع البطانة اغلى من الوجه ، و كذلك عدم توفر فرص العمل للشباب ، بحيث تخليه من الصعب ان يفكر يرتبط بعلاقة و يورط بنات العالم وياه ، وهذا الامر هو شيء طبيعي في شعوب العالم الثالث لان ماعدنه اي ضمان للحياة الكريمة


تحياتي الك وشكراً على الموضوع

[نغمة على وتر♫]

ما أعتقد هذه سبب رئيسي ، أنما هو جزء من عدة أسباب أخرى ، مثلا المعيشة بعد الزواج ، السكن ، وأذا صار عندك طفل شلون تتكفل بمصاريفه وعلاجاته بهذه الوسط اللي ما يوفر شغل ، وحتى إذا وفر ما تكون اله قيمة حتى يرتاح الفرد ويعيش برفاهية لذالك يضل طول عمره ( يسحك وما يلحك) واكو كثير من الأسباب تشكل بمجموعها مسبب رئيسي للعزوف عن الزواج اصور كلنا لامسينها على أرض الواقع_^

شكرا بياض الثلج^_^

نعم فعلا انه سبب من عدة اسباب بس نكدر نكول هو السبب الاول لان بعده ممزوج اصلا فمن يجي يفكر بالزواج
ويعرف اهل البنيه يريدون مهر عالي وهالسوالف هيتراجع بقراره اذا كانت ماعنده امكانيه اما بقيه الاسباب فيما بعد تأتي
نورتني ازرق