هنا

[علي الاسدي**]

والله مو المهم كم المهر المهم ان يكون انسان فاهم وعنده دين وقادر على تكوين عائله يعني صاحب مسؤولية والتوفيق من الله سبحانه وتعالى

[مصطفى العراب]

المهر ضروري كلش وكلما ارتفع احسن

هي صح متنشرا وتنباع البنية بس تبقى تشوف قيمتها بمهرها لسبب لا يعلمه الا الله والراسخون بالعلم

وغالبا نشوف البنات المتزوجات يضغطن بعضهم بكمية الذهب الي اشترته بعرسها وسعر قاعة الحفل المكلفة جدا وتجهيزات العرس المبالغ بيها

فاشوف ان كلما ارتفع سعر المهر ارتفعت قيمتها "حسب نظرتهن لنفسهن هن اني مالي دخل "

اذاا تزوجت الاحبها حدفع مهر عالي ، واتفق وياها متصرفه لملئ بطون الاقارب بالاكل والتبذير ع شغلات متسوة وتخلي جزء منه نديح بي لاي دولة ورا العرس

[^_AHMED_^]

اكيداً المهر مهم للمرأة وسأجيب من عدة جوانب
1- بعض الشباب اذا شاف المهر قليل ممكن بسهولة
يفكر بالطلاق او يهدد بالهشي وبهالوقت الطلاق صاير
بفلس وبالتالي يضر المرأة .
2- المهر العالي يخلي المرأة تفرض شخصيتهة على الرجل
وبالتالي يفقد شخصيته وينقاد الهة .
3- المهر المعتدل مع ضمان انو الرجل صاحب اخلاق
واخلاص في تعامله لضمان حياة حرة كريمة .
كل الود

[Laraa]

كرأي شخصي انا ضد مبدأ المهر تماماً
لكن اذا اردنا ان نتحدث عن واقع حال مجتمع
اغلب العوائل حالياً يكتبون المهر عشرة مليون نتيجة الوضع الاقتصادي
واسعار السلع اعتقد عشر ملايين مبلغ تافه جداً
لكن كون ان فرص العمل قليلة لذلك يعتبر هذا المبلغ كبير
عموماً أعتقد مو المهر هو سبب عزوف الشباب عن الزواج لان الاهم من المهر هو العيشة بعد الزواج حتى لو كان المهر قليل كون حالة الشاب ضعيفة فهذا الشاب كيف راح يفتح بيت ويكون مسؤول عن تلبية متطلباته

تحياتي

[جنـات]

المهر مو علمية بيع وشراء نهائي ،
الهدف منه هو التحضير لحياة جديدة للبنت ، مثلا هسه الشخص لمن يسافر لدولة غير دولته ، ميروح يشتري اشياء جديدة ويسوي تحضيرات ويصرف عالمود يتجهز ويطلع بمنظر لطيف بالمكان الجديد الي رايحلة ؟
أو مثلا اشتريت بيت وتريد تگعد بي مو تصرف علي وتجهزة وانو يطلع بمنظر لطيف عالمود تگدر تگعد بي لانو هالبيت جديد والازم يكون شكلة مناسب عالمود الي يجيك انت تكشخ بي ،

..
تقريبا المهر هيج ، يعني كلشي راح ينصرف تجهيزات وتحضيرات ، خو ما تجيك بخلاجينها القديمه ،
وما تگعدها بغرفة مابيها غير جرباية ام النفر ،لازم غرفة جديدة تليق بحياة جديدة ، والذهب والفستان كذالك كلها مجرد تحضيرات للحفلة ، المهر مراح تاخذ البنت الها وتخزنه بالتالي كله يرجع لزوج بأعتبارة صار مسؤل عنها
..

ولاحظت ان بعض البنات كاتبات الماشي 10 ملاين ، مو بكل مكان بالله هسه يمنا خمسه واذا كلش غالي سبعه ،
..
اما الي تشوف نفسها بغلات مهرها وتطلب مبلغ مبالغ بي فهاي تفكيرها محدود .

يعني العزوف عن الزواج من سببه المهر

مادري گدرتو تفهمون قصدي واذا اكو سحگات غلسو

[احمد العثمانيے]

بالنسبة للزواج أو للعزوبية ، دعوا الإنسان يُقرر الطريقة التي سوف يندم عليها .

[^-^بطيخة^-^]

المهر مو علمية بيع وشراء نهائي ،
الهدف منه هو التحضير لحياة جديدة للبنت ، مثلا هسه الشخص لمن يسافر لدولة غير دولته ، ميروح يشتري اشياء جديدة ويسوي تحضيرات ويصرف عالمود يتجهز ويطلع بمنظر لطيف بالمكان الجديد الي رايحلة ؟
أو مثلا اشتريت بيت وتريد تگعد بي مو تصرف علي وتجهزة وانو يطلع بمنظر لطيف عالمود تگدر تگعد بي لانو هالبيت جديد والازم يكون شكلة مناسب عالمود الي يجيك انت تكشخ بي ،

..
تقريبا المهر هيج ، يعني كلشي راح ينصرف تجهيزات وتحضيرات ، خو ما تجيك بخلاجينها القديمه ،
وما تگعدها بغرفة مابيها غير جرباية ام النفر ،لازم غرفة جديدة تليق بحياة جديدة ، والذهب والفستان كذالك كلها مجرد تحضيرات للحفلة ، المهر مراح تاخذ البنت الها وتخزنه بالتالي كله يرجع لزوج بأعتبارة صار مسؤل عنها
..

ولاحظت ان بعض البنات كاتبات الماشي 10 ملاين ، مو بكل مكان بالله هسه يمنا خمسه واذا كلش غالي سبعه ،
..
اما الي تشوف نفسها بغلات مهرها وتطلب مبلغ مبالغ بي فهاي تفكيرها محدود .

يعني العزوف عن الزواج من سببه المهر

مادري گدرتو تفهمون قصدي واذا اكو سحگات غلسو

انتو يمكم يجوز هيج المهر ، بس بصراحه ببغداد لحد الا ما شفت واحده من اللي حولي مهرها اقل من 10 ، الا اذا جانت من منطقه شعبيه جداً او هو من منطقه شعبيه جداً ،
ووالله اعرف بنات وولد من مناطق شعبيه ومهرهم كله 15 وفوك

ومثل ما كلتي هو تأسيس لحياه جديده مو ماخذتهم لجيبها ، والعشرا يادوب لو يكفن يجهزن حياتها الجديده لو لع


،،


واشوف سبب الامتناع هو مو المهر ، لا ،
اشوف انو فرص العمل هي السبب ، لانو لو الكل عنده فرصه عمل راح يكدر يتزوج
واما اذا عاطل ، راح بحاول يدبرلها لمهر بحاله كان مصر ع الواج ، وراح يشبعها جوع وتعب سواء حتى لو جان المهر بس حلقه
فرصه العمل اللي منقرضه حالياً بالعراق هي سبب امتناعهم

جنات الشطر الثاني مو تعقيب ع كلامج بس مبيا اخليه رد منفصل


..

[جنـات]

انتو يمكم يجوز هيج المهر ، بس بصراحه ببغداد لحد الا ما شفت واحده من اللي حولي مهرها اقل من 10 ، الا اذا جانت من منطقه شعبيه جداً او هو من منطقه شعبيه جداً ،
ووالله اعرف بنات وولد من مناطق شعبيه ومهرهم كله 15 وفوك

ومثل ما كلتي هو تأسيس لحياه جديده مو ماخذتهم لجيبها ، والعشرا يادوب لو يكفن يجهزن حياتها الجديده لو لع


،،


واشوف سبب الامتناع هو مو المهر ، لا ،
اشوف انو فرص العمل هي السبب ، لانو لو الكل عنده فرصه عمل راح يكدر يتزوج
واما اذا عاطل ، راح بحاول يدبرلها لمهر بحاله كان مصر ع الواج ، وراح يشبعها جوع وتعب سواء حتى لو جان المهر بس حلقه
فرصه العمل اللي منقرضه حالياً بالعراق هي سبب امتناعهم

جنات الشطر الثاني مو تعقيب ع كلامج بس مبيا اخليه رد منفصل


..

دام هيج خل اسوي ترويج لبنات محافظتي ، ترا مهرها 5
عوفو بنات بغداد ،بفلوسها تاخذ ثنين من يمنا والثالثة هدية

[قـَســم ✞]

المهر الـه تصنيفات
اكو ناس يطلبون مهر عالي
واكو متوسط
واكو حتى بدون مهر

ولشاب اذا يريد يزوج ما توكَف بطريقة لفلوس
بس اذا هوا مثل (لؤي الساهي) عليش مزوج
24 ساعة ونسات وطلعات وكل يوم بمكان
ميحتاج يربط نفسة بـ زوجة " *.*
وهسه ماشاءالله كَولها ءدور راحت بال
فـ المهر ماله أي علاقة بـالعزوبة

[نغمة على وتر♫]

موضوع حلو متابع

ليـّۓ عودة

مرورك الاحلى نورتني وتنور بكل وقت