هنا

[Samer]

السلام عليكم ..

الكوردي اللي بالشمال (مو كلهم) يشوف مسعود برزاني يتهستر من الفرح والتقديس، هسة حقه مو حقه مو مهم، بالمحصلة هو ينتخب الحزب الديمقراطي الكوردستاني (برئاسة عائلة مسعود)
جماعة سليمانية يصوتون عادة لحزب الاتحاد الوطني (جماعة جلال طلباني الله يرحمه) لان يكرهون جماعة مسعود

على اي حال .. الاحزاب الكوردية المكونة بصورة اساسية من (الحزبيين الرئيسيين) ليش يحاولون يئتلفون ككتلة واحدة .. و ما يحاولون ينشقون و ينضم اجزاء منهم لاي من (محوري الكتلة الاكبر اللي تسمى شيعية) ؟

وليش السنة (والمقصود سياسيي السنة) يشكلون "المحور الوطني" في تركيا .. وينتظرون الكتلة الاكبر تتشكل من "الشيعة"

لان همة من يسوون هيج .. يريدون يخلوون الشيعة يضطرون إلى انه يئتلفون كذلك ويشكلون همة "الكتلة الاكبر" كـ "شيعة" علمود همة يبقون كـ "كورد" و السنة كـ "سنة"

شوفوا هذه المعادلة اللي شفناها بالسنين اللي فاتت .. يريدوها (قدر امكانهم) تبقى نفسها .. انه الكتل تصير شيعة وسنة وكورد .. الشيعة الهم رئاسة الوزراء، واذا حصلوها بعد الاخرين يكدرون يتفاوضون على حصصهم

هسة اني ما اريد اعيد واسقل واكول الكل تريد مصالحها .. بس اريد الفت الانتباه إلى شلون طريقة جلب المصالح لانفسهم

قضية تكتل السياسيين إلى (شيعة وسنة واكراد) وبالتالي تكتل الشعب لنفس الشي .. يخللي من السهولة الاستمرار بالضحك عل شعب .. واستمرار الطائفية والعنصرية .. وبالتالي استمرار المصالح

لذلك الكورد والسنة يشكلون كتل (كردية وسنية على التوالي) علمود يجبرون الشيعة يصيرون (شيعة قبالهم)

واذا صار مثلا الشيعة والسنة تخلوا عن طائفيتهم .. و انشقوا طوليا .. هذا راح يخللي الناخب الكوردي ما عنده الدافع القوي ينتخب الشخص اللي يكول (اني انتخب الكوردي العنصري) و انما يصير الانتخاب لدوافع اخرى

المسألة وجودية بالنسبة لجميع السياسيين الفاسدين لذلك راح يحاولون يحافظون عليها بكل الوسائل

جنا نتمنى يصير انشقاق طولي كامل .. بس صار انشقاق طولي جزئي (انشقاق طولي يعني الشيعة قسمين، والسنة قسمين، والكورد قسمين) صحيح كل طائفة انقسمت بس بنسب غير متكافئة .. عدا الشيعة صار الانقسام الطولي متكافئ تقريبا

نرجع ونكول المشكلة بالشعب .. رغم كل اللي صار بيه .. رجع إلى انتخاب القوائم الطائفية والعنصرية .. ويجوز الاكراد محد يلومهم لان اوضاعهم مستقرة نسبيا .. بس اكيد يلامون السنة ويلامون الشيعة من الشعب

اكلوها 4 سنوات وشكرا

[فقار الكرخي]

طرح جميل
المشكلة مو بالشعب .
الشعب اكثره ماراح انتخب . وهم زوروها تنتخب ماتنتخب هم مرتبيها بيناتهم .
علاج هذه الامور كلها هو النظام الرئاسي



مشكور عالموضوع

[عدنان الواثق]

التكتل أو التحزب الطائفي عنوان عريض لمفهوم خراب البلد مسرحيه كوميديه ساخره أخرجتها الأمبرياليه العالميه وكتبت سيناريوهاتها بنفسها ومن ساعد على أظهارها بهذا الشكل المقنع والمميز جهل العامه وانغرارهم بالتزييف على حساب الجوهر الحقيقي لحل المتأزم من الامور ومن هذه المقدمه الرنانه ندعوك وانت المبرمج الأوحد أن تصمم سمايل مال واحد مركوع بوري معدل ...الأن أصبح كل شيء واضح المعالم وكل ألأقنعه(سياسيه ودينيه والمدنيه المزعومه) أنكشفت وكشرت على أنيابها تلك الثعالب البشريه التي تقود الجماهير للهاويه والمجاعه والأنكسار وهذه النتائج أكبر دليل على أن ألأله الجاثمه على فكر الأنسان الكردي والشيعي والسني ماهي إلا أجتهادات جوفاء ولاتمت بأي شكل من القداسه المزعومه وتلك الخطوط الحمراء الموضوعه عقبه بطريق التحرر الفكري المناهض بالخلاص والحريه وحتى العيش بسلام ورفاهيه فالأكراد حجتهم المظلوميه وأصبحوا اشد ظلما ممن كان سابقا والسنه يتغنون بأمجاد الماضي وجرفتهم أفكارهم الى أسوء مصير من المذله والشيعه تلك الجماعه التي أفلست من الدارين فأصبحت بين المطرقه والسندان بين قسوة الحاكم وغضب الرب سبحانه وعلى هذا الأساس سيبقى المجتمع العراقي يعيش بهذه الدوامه ينتظر ولايجتهد للخلاص لأنه شعب مسلوب الأراده ..وكفى..شكرا سامر

[ابن الوطن]

التعنصر والتحزب هو اساس خراب البلاد ليكون هناك مسميات واضحه يسعى السياسين لوجودها لخدمة مصالحهم ومن اجل البقاء فالعمل المشترك يخرجهم من قوقعتهم التي يتواجدون فيها منذ بداية فترة الاحتلال الا وهي المذاهب والطائفة التي يزينون فيها رؤسهم بتاج ينضح الدم والخراب لمستقبل البلاد تحت غطاء البحث عن الحقوق لتلك الطائفة التي ينتمون اليها لنجد شعب منجر خلف هؤلاء السذج وان كان مذبوح من الوريد والادهى من ذلك بان ساسة تلك الكيانات يتقاذفون الكلام نهارا وامام الاعلام وياكلون الجاجيك والبندق على نغمة اصوات الكؤوس وهز الخصر ليلا بعد ان توضع العمامه يمينا كي تكون الجلسة اكثر راحة… ليس هناك للبلاد سياسي ووطني يسعى لخدمة الجميع بل لخدمة الحزب والجهة التي ينتمي اليها باسم الطائفة ليكون هناك اكثر صراع وثبات… تحياتي لك ولطرحك الراقي

[Gameel Zubaidy]

تنتخب او ماتنتخب نفس الوجوه باقيه
واذا تغيرت فان احزابها باقيه

تحياتي

[ايليا]

هكاتين راح ننتظر بعد اربع سنوات
.. لا جديد يذكر

[انسان ثاني]

مسئلة الكرد هي مشكلة طبقية ، اهل سليمانية يعتبرون نفسهم الطبقة المثقفة و اهل اربيل (معدان) لذلك ينتخبون حزب الطالباني نكاية بمسعود ، بينما مسعود ما مهتم لكل هذا الكلام و يزور الانتخابات حتى يقارع شعبية آل طالباني ، بالنهاية ينجبر طالباني ان يتحالف ويا مسعود حتى ياخذ رئاسة الجمهورية لان اذا بقوا منشقين ماراح يحصلون لا رئيس جمهورية ولا برلمان ، لان مثل مانعرف ماكو نص دستوري يكول المنصب الفلاني من حق الطائفة الفلانية ، لذلك همه يسوها ع عمى عيونهم يخافون لا مايحصلون شيء من الكعكة ، نفس الوضع للسنة يخافون على مناصبهم و كذلك الشيعة وبدليل الخنجر و العامري صاروا بخندق واحد و مستحيل اي عراقي كان يتخيل هذا الامر ، لكن انا متأكد هي مسئلة وقت وبعد تشكيل الحكومة الكل ينشقون ويتراشقون التُهم الطائفية وترجع حليمة لعادتها القديمة ....

[المحامي احمد التميمي]

في يوم الانتخاب اجا للمحطة الانتخابية الكثير من المواطنين (كوني مدير محطة)وهمهم الوحيد انه اني اريد انتخب حتى لا: ( ينقطع راتب الرعاية- تنقطع الحصة التموينية....الخ من المعتقدات والافكار البدائية, هولاء لا تتوقع منهم يعرفون او يهتمون ل قيمة الانشقاق الطولي الكلي او الجزئي, ومستعدين استعداد كامل(عن جهل) لتحمل اربع سنوات عجاف جديدة لمصلحة الفاسدين بل اربعين سنة ما لم تكن هناك وسيلة يُنشر بموجبها الوعي السياسي والانتخابي للطبقات الجتماعية المعدومة ...مع التحية