هنا

[dr.Nafes]

٢٠٢١ صارت بيها أحداث هوايه ..
من أجمل ماحصلي..تعرفت ع بنات غيرن مجرى حياتي بالكامل كلش نقيات ومحظوظه بيهن هوايه..

[dr.Nafes]

هذا اليوم الأخير لنصف السنه بآخر محاظره كان يوم متعب الى درجه وصدگ بوقتها كرهت الجامعه *_* ..افلاونزا ع تعب ع ضغط دراسي ع تفكير ..بس وي هاي الملائكه اليمي يخففن عليه أصعب الأوقات..أختيار الأصدقاء بعنايه هي الي تخلي حياتك بأكملها حلوه

[dr.Nafes]

راح احچي عن كل وحده بيهن قصتها بالمختصر..
أحنه 6 بنات شون انجمعنه ؟؟؟
أول متعرفت ع ممثلة القسم أني كنت اعرفها بس من بعيد ..حسيتها متكبره *_*..
والإحساس لازم منحسه تجاه اي شخص منعرفه..لاتحكم ع الغلاف من عنوانه..كان امتحانات الفاينل للمرحله الاولى وداراجع أمتحاني وجالسه ع طاوله مقابيل التبريد لأن الحر شديد يمكن درجة الحرارة ٦٠ *__*
ف أجت شبيهتي من الدنيا هي وصديقتها طلبوا الأذن مني انو يگعدون يمي فوافقت ورحبت بيهن اني كنت اعرف صديقتها تصادفنه كم مره ..بعدها بقينه نسولف ..اعرفكم ع صديقتي الأولى الي نسيت انطي اسمها (أزهار)..ازهار انسانه راقيه لأبعد الحدود اجتماعيه جداً..مكنت متوقعتها بهاي اللطافه فكرتها ممثله مغروره ومتكبره بعدها گالتلي ما شاء الله اني شون ما عرفچ للان ؟؟! وأخيراً لگيت شبيهتي اني ضحكت صراحه كان مدح جميل اني كنت مسيطره ع نفسي انو ماصادق من الجامعه الجنسين سواء زميله او زميل لكن وقعت في الفخ ههههههه

[dr.Nafes]

بعدها تكلمنا رسائل وتعرفنا أكثر وتحول الأمر للاتصال بسرعة البرق هههههه ....نقضي ساعات طويله واحنا نتكلم ع الفون..صار يومي ميكتمل اذا مااعرف تفاصيل يومها وهي كذلك.. كأنوا عاشقين ..فهي نصحتني اصير اجتماعيه اكثر وي بقية الطلبه لكن اني رفضت بسبب بنت تعرفت عليها بأول مرحله وبأول بدايه واني من زمان اعرفها وتصادفنا بالجامعه فگلت ليش اتعرف ع وحده يمكن تطلع مو خوش صديقه..لكن نظريتي خاطئه والمفروض مااخطي هالخطوه ..لكن دائماً نگول أتعلم من اخطائك..نرجع لموضوعنه إلي هو أصير اجتماعيه .... أني بالحقيقه حيل اجتماعيه بس اني داخله بعالم غير عالم المدرسه اشخاص مجتمعين من كل المحافظات وكل الاقضيه والنواحي ف الجامعه بيها الجيد وبيها السيء ف ردت احافظ ع نفسي من كل الأشخاص..لكن شاء القدر وتعرفت ع أول ملاك هي أزهار ممثلة قسمنا الرقيقه الشفافه ..برجها نفس برجي..وميلادنا فرق بيناتنه ٣ ايام
إسم والدتها نفس إسم والدتي..شغل والدها نفس شغل والدي
وشنو اني احب هي كذلك كأنوا الله عوضني بهاي الهديه ..انطوا لنفسكم فرصه تتعرفون ع ناس جدد ممكن يغيرون حياتكم للأحسن^__*

[dr.Nafes]

خلصت رحلتنا وي أزهار ^_^
يوميه احچيلكم عن قصة تعارفي وي بقية صديقاتي الجميلات

[dr.Nafes]

إنعدام الرغبة أمام الشيء الذي أدمنته، إإنتصار..

[dr.Nafes]

هناك نجاحٌ واحد في اعتقادي وهو أن تتمكن من قضاء حياتك بطريقتك الخاصة.

[dr.Nafes]

چنت أفكر أنوا السعاده بالحب ..وأنوا تلگه شخص يكملك هي هاي السعاده ..طلعت غلطانه ..السعاده هي الأشياء الموجوده بحياتك السعاده شي بسيط ممكن تحبه وتحصل عليه ..السعاده وجود أهلك يمك وموفريلك أرقى أنواع الراحه ينطوك الدعم الحقيقي حتى تكمل حياتك بالشكل الصحيح ..م̷ـــن يشجعوك ..م̷ـــن ينتظرون نجاحك وتحصد ثمرة تعبك ..والسعاده تلگاها مرات ع شكل صداقه م̷ـــن يهتمون بيك ويحبوك بدون مقابل ..مثل ما أنت تحبهم وتنطيهم يرجعوه ألك اضعاف ..هي هاي السعاده ..السعاده م̷ـــن تقتنع أنوا أنت فد شي عظيم ومتحتاج م̷ـــن ألي يسعدك أنت دتسعد نفسك بنفسك ..ومرات تكون السعاده ع شكل قوه م̷ـــن تجاوزت أصعب المواقف وحدك او بدعم م̷ـــن اهلك واحبابك بس المهم أنوا تجاوزتها وأنتصرت عليها وگدرت تلم شتات نفسك ومتبعثرت وعلمك هالموقف درس ولازم تكون قنوع أنوا الدنيا تلگه بيها الصعب والسهل فترضى بالي يصيبك ومالازم تنهزم أمامه ..السعاده الحقيقيه هي تسعد نفسك وتسوي الاشياء الي تحبها ومتنتظر م̷ـــن أحد يقدمها ألك ..السعاده هي القناعه والرضى بالنفس ..

[dr.Nafes]

2022/6/26 الأحد
من أتعس الأيام هو اليوم..اليوم طلبنا أكل وع حسب الأصول چان فطوم تاكل وتطفر من خاشوگتها صلصه حاره بعيني وتنطفي عيني وبقيت أصيح والحمد لله محد بالنادي غيرنا لأن عزلنا الجامعه ع ادينا ساعه ٣:٣٠ وبهلاثناء بابا يتصل بيه وأني أصيح والفون مسكت الا ان اروح واطلع من الجامعه وساعه من رجعتي كلمتني فطوم:( نور نسيتي جنطتج يمي ) واصلا أني مفگدتها ولا أدري بجنطتي ناسيتها ألتهيت بعيني الطافيه والحمد لله فوني چان بأيدي چان متت أذا انساه بدونه ماعيش ...هاليوم ينذكر بالتاريخ ..

[dr.Nafes]